| Parfait |
عباره عن حلى فرنسي الأصل ,
تقدرون تقولون طوروه الأمريكان وخلوه حلى بالستايل الفرنسي لكن مو نفس الشرح طريقة طريقة الأصلية .
سويت المطور ماسويت الأصلي .
طبعاً هو ببساطه تقريباً عبارة عن فروزن يوقرت أو زبادي عادي بعد وفواكة - هذا الشائع -
أنا حبيت أغير شوي وأستبدل الزبادي المثلج بخلطة رائعة زبادي .
حبيت يكون طعم الزبادي واضح فكان له النصيب الأكبر من المقادير .. بس ممكن تغيرون فيها وتقللونه لو تبون
| الشرح طريقة طريقة والمقادير مع بعض | :
نقطع منقا وفراوله لقطع متوسطه وتحط جزء منهم في قاع الكاس بعدين نسوي خلطتين من الزبادي .
* خلطة رائعة الزبادي ( 1 ) هي :
بالخلاط :
[علبة زبادي + ملعقتين كبيره لبنة بينار + 4 حبات جبن كيري + 3 ملاعق كبيره سكر - ممكن تقللونهم لو حابين - ]
* بعد ماينخلطون ناخذ نص هالخليط ونسوي منه خلطة رائعة الزبادي ( 2 ) :
نضيف لنص خليط الزبادي ( 1 ) حبة منقا مقطعه ونخلطهم بالخلاط .
الحين نجي لكاس التقديم اللي حطينا فيه منقا وفراولة بقاع الكاس .
ونضيف طبقة من خلطة رائعة الزبادي ( 1 )
وبعدها طبقة من خلطة رائعة الزبادي ( 2 )
بعدين تكرر الطبقات .. فواكه .. خلطة رائعة الزبادي ( 1 ) .. خلطة رائعة الزبادي ( 2 )
ونزينه بالكريمه و لوز محمص ومفروم فرم خشن . - ممكن تضيفونه بين الطبقات بعد-
* طبعاً تقدرون تحطون الفاكهة اللي تبونها
هنا بدون كريمه :
.
| Panna cotta |
حلى إيطالي ,
تقدرون تقولون عنه مهلبية الطليان
طعمه قريب جداً للمهلبية بس انه متماسك أكثر منها بسبب وجود الجيلاتين .
بحط الشرح طريقة طريقة الأصلية وأنتوا ممكن تبدعون بالنكهات اللي ممكن تضيفونها عليه .
تغيير عن المهلبية .
| الشرح طريقة طريقة والمقادير مع بعض | :
أول شي هذا الحلى بعتمد على الكريمه .. لذلك هو دسم .
أول مره سويته حسيته دسم جداً فقللت من كمية الكريمه واستبدلت الجزء اللي قللته منها بحليب طازج .
أول شي ناخذ ربع كاس ماي فاتر - يعني عادي لا هو بارد ولا حار - ونضيف عليه ظرف جيلاتين .
ع النار نحط ثلاثة أرباع كاس كريمة خفق وكاس وربع حليب طازج
- ممكن تحطون طاس كريمه وكاس حليب -
بعدين تضيفون عليه ثلاثة أرباع كاس سكر وملعقه صغيره فانيلا .
وتخلونه لما يبدى يغلي .. أول مايغلي تشيلونه من ع النار .
ونحرك الجيلاتين مع الماي ونضيفه ع الكريمه ونحرك بالملعقه لما ينخلطون مع بعض .
الحين نصبها في قوالب ونحطها بالثلاجه يوم كامل .
بعد ما تاخذ يوم كامل بالثلاجة نسوي صوص الفراوله .
نقطع فراولة ونحطها في قدر ونضيف عليها سكر ونحركها ونخليها على نار متوسطه لما تبدى تطلع الماي اللي فيها وتطبخ .
نسكر عنها وتخليها تبرد سوي ونخلطها بالخلاط .
بعدين نصفي الخليط من البذور .
ونخليها تبرد لحد وقت التقديم ..
وقت التقديم لو كنتب يتبين تقلبين البانا كوتا حاولي تحركين السكين ع الأطراف وبعدين حطي غمسي القالب جاهز لمدة 10 ثواني بس في ماي دافي واقلبيه .
لا تطولين تراها تذوب بسرعه .
وقدميها مع الصوص .
* ملاحظه :
اذا بتسوين الصوص معاها الأفضل تقللين كمية السكر في البانا كوتّا لأن الصوص حالي وهي حاليه
.
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
