( الكمية ل 3-4 أشخاص):
الخطوة الأولى:
صدور دجاج... قطعتين لكل شخص
3 فصوص ثوم مدقوقة
زيت زيتون
شرايح الفلفل الأحمر المجفف
ملح - فلفل أسود
أوريغانو
جبن بارميزان
جبن بقدونس مفروم
نجيب صينية بايركس و ندهنها بزيت الزيتون و نوزع فوقه الثوم و شرايح الفلفل الأحمر...
نرقق صدور الدجاج و نخليهم متساوين في السمك، و تقدرون تستخدمونها على طول بدون ترقيق إذا تحبون... بعدين نحطهم في الصينية و نتبلهم بالملح و الفلفل و الأوريغانو و نقلبهم عالوجه الثاني عشان يتغطون بزيت الزيتون و الثوم 
الخطوة الثانية:
و نحتاج فيها صلصة الطماطم... نقدر نستخدم الصلصة الجاهزة اللي نستخدمها للباستا أو البيتزا، أو ممكن نسويها في البيت... و هذي طريقتها:
4 حبات طماطم كبيرة و ناضجة، مقشرة و مقطعة أرباع
3 ملاعق كبيرة معجون طماطم
نص كوب ماء
زيت زيتون
فصين ثوم مفرومين
ملح – فلفل أسود – أوريغانو
في قدر صغير عالنار، نحمي شوي من زيت الزيتون و نحمر فيه الثوم...
بعدين نخلط الطماطم و معجون الطماطم و الماء بالخلاط الكاس، و نضيفها للقدر و نبهرها...
نخلي الصلصة تغلي لحد ما تتكثف و تصير ثقيلة مثل الجاهزة...
الخطوة الثالثة:
و بنحتاج فيها خبز محمص مثل اللي نزين فيه السلطة أو الشوربة... تقدرون تستخدمون الخبز الجاهز إذا متوفر أو ممكن تسوونه في البيت
و في نوع جديد ممكن تستخدمونه بعد اسمه Twistos ، طعمه جداً لذيذ...
مثل اللي في الصور 2014ة...
و طريقتي:
خبز صامولي مقطع مكعبات متوسطة الحجم
زيت زيتون
ملح الثوم – فلفل أسود – أوريغانو
نحط الخبز في صينية فرن و نرشه بزيت الزيتون و البهارات، و ندخله الفرن على حرارة متوسطة عشان يصير لونه ذهبي، و انتبهوا لا يحترق لأنه يتحمر بسرعة...
الحين نجي للتجميع
نصب صلصة الطماطم اللي سويناها فوق الدجاج...
و فوقه نرش نوعين الجبن، و كمية الجبن تعتمد على حجم الصينية، لأنه لازم نغطي الوجه كله، لكن مو شرط تكون الطبقة سميكة...
و فوق الجبن نوزع الخبز المحمص، و نرجع مرة ثانية نرش طبقة ثانية من الجبن و فوقها البقدونس المفروم... (أنا نسيت و ما حطيته 
)
نغطي الصينية بورق الألمنيوم و ندخلها الفرن لمدة 35 دقيقة، بعدين نشيل عنها الألمنيوم و نحمرها لمدة 10 دقايق...
أنا قدمت معاها خضار مشوية بالفرن، و هذي طريقتها:
بطاطس مقطع ويجز
جزر مقطع حلقات عريضة
و ممكن تضيفون الخضار اللي تحبونها، كوسا أو بروكلي
نحطهم بصينية فرن و نرشهم بزيت زيتون و ملح و فلفل أسود و اوريغانو، و للي يحب نكهة الثوم ممكن تضيفون ثوم بودرة...
نحمرهم بالفرن في الرف الأخير و لمدة نص ساعة، و طبعاً لازم نقلبهم عالوجه الثاني بعد مرور نصف الوقت عشان يتحمرون عالوجهين...
و هذا شكل طبقنا الرئيسي لما طلعناه من الفرن...
و هنا مع الخضار المشوية...
ان شاء الله تعجبكم بس
وترى هذي من اجمل الاكلات اللي احبها جربوها ولاتغركم الصور 2014 ذوقوا الطعم والله تخقون هههه
وهم
كل
الأمور
وهم
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
