سؤال يتعلق بوضعية الجنين



سلام عليكم اخواتي
انا في الاسبوع 38 وقبل اسبوع كنت بالمشفى وعين الطبيب لي عمليه بعد اسبوعين لان الجنين لساتو مقعدي بس امس كان عندي سونار وبين انو الجنين قلب راسه لتحت فرحت كتير بس خبرنا الطبيب نرجع الاسوع القادم لحتى نتاكد انو لساتو لتحت وحينها نلغي العمليه اذا كان لتحت
اما المشكله بعد ما روحت وتسطحت حسيت بوجع بطن ولساتني حاسي راس الجنين متل طابه تضغط عصدري..تحيرت كتير ومو قادري اصبر للاسبوع الجاي لاعرف...ممكن يكون الجنين قلب امس بالوقت يلي عملت في السونار وبعدها رجع قعد؟؟؟؟؟
بالعلم انو قبل يومين كنت برضو حاسي انو الجنين مقعد وقبل لروح السونار قلت لزوجي انو انا اكيدي انو لسا ما قلب بس قبل السونار حطوني شي سيعه عالتخت لفحص دقات الجنين وحينها حسيت بحركتو كانت قويه شوي وقلت ممكن حينها قلب...
المهم ممكن يكون قلب حينها وقتي وبعدها رجع
وكيف فيني اتاكد انو قلب ولا لا
وهل حدا قلب معها الجنين بالاسبوع ال38 بالعلم انها بكريه

والعوارض يلي كنت حسها لما كان الجنين مقعد لساتها موجوده اهل هذا دليل على انه لساته مقعد او هي هي العوارض لو قلب يا ريت تفيدوني...والعوارض هي لعيان قوي بالصدر يروح ويجي..ضغط عالصدر...وجع بالظهر ناحية اليمين ورا الكتف(وهالوجع ما عمبنيمني الليل حدا عندو فكره) والعارض الاخير الله يكرمكم دخولي القليل لدورة المياه يعني باليوم ادخل مرتين وبالكتير الكتير4 وبالليل احيانا ما ادخل واحيانا مره وبالكتير مرتين بالعلم انو خبروني يلي جنينهم قالب لتحت انهم يقضون وقتهم بالدوره.....
اتمنى تفيدوني واعتذر عن الاطاله


موضوع حصري لمنتديات شباب باتنة