موضوع مقدم من منتديات ديزاد
منتديات ديزاد باتنة
السلام عليكم ورحمه الله وبركاته

بكتب لكم قصه من تاليفي واتمنى انكم تشاركوني برايكم****************

*كـمــا تـــديــــن تـــدان*






فيصل: هلا عبادي
عبدالله: هلا والله
فيصل: وينك
عبدالله: في البيت
فيصل: وين ناويين الشباب
عبدالله: مثل كل مره في المجمع
فيصل:O.k‏ أنتظركم هناك

***********
الساعه تسع ونصف
فيصل والشباب في المجمع
وعلى الطاوله في الكوفي شوب
فيصل: وش تشربون شباب

وكل واحد قال طلبه المفضل

وراح للكوفي شوب
وقال طلبه وبما أن طلبه كثير
راح ينتظر ربع ساعه

وهو جالس يتفرج على الناس اللي يطلبون
أثارت "بنت" أنتباه
بطريقه كلامها..وأسلوبها..وطريقه لبسها للعبايه
وهي تنتظر طلبها

وفيصل منبهر منها
ودايم يمرون عليه بنات بس هاذي غيير
فطلب من كاشير بطريقته الخاصه اللي هو متعود عليها
يعطيها كرته اللي فيه أسمه
ورقم جواله مع حساب البنت

***********

الساعه 12 الليل
دق جوال فيصل .. رقم غريب
وهذا الشي مو غريب على فيصل

فيصل: ألو
شوق: أهلين
فيصل: هلا والله من معاي
شوق: بهالسرعه نسيتني
اليوم أنا شايفتك
فيصل (جلس يفكر شوي) : هلا والله وش أخبارك
شوق: عرفتني
فيصل: وهل يخفى القمر
شوق: يسلموو من ذوقك

وبعدها بدا بالكلام مثل أي بنت يبدا معها
يعرف أسمها وعمرها وين ساكنه
معلومات بدائيه

***********

وأستمر فيصل مع شوق شهرين
وهذا الشي طبعآ غريب
الان فيصل أطول بنت يجلس معها أسبوعين

***********

وفي يوم جالس مع صديقه وتؤم روحه وأخوه من الرضاعه في نفس الوقت





الانهم كانوا جيران
ورضع (فيصل)
من أم عبدالله

عبدالله: البنت اللي رقمتها في الكوفي شوب للحين تكلمها
فيصل: أي بنت أغلب البنات اللي أرقمهم في الكوفي شوب هذا

عبدالله: البنت اللي مسميها في جوالك أول ما كلمتها
(غير)
فيصل: أيه للحين معها تصدق البنت هاذي أمرها غريب
أحس أنها نفس تفكيري
دايم أحاسيسها مثل أحساسي

عبدالله: يمكن صدفه
فيصل: صدفه مره.. مرتين..
مو كل مره وتصدق أن أسم أبوها مثل اسم أبوي

عبدالله: وعايلتها
فيصل: ما أعرفها
عبدالله: ألعب غيرها معقووله فيصل
اللي من ثاني مكالمه تعرف عنها كل شي
دور غيرها

فيصل: ما أهتميت الان هاذي البنت
ما مر في حياتي مثلها
مو مثل أغلب البنات يكلموني علشان أشحن لهم الجوال ..
وخايف أسالها تقطع العلاقه
وبعدين وين بلقى مثل
أول واحد تكلمه في حياتها أنا

عبدالله: كل البنات يقولون كذا وتبي الصراحه
شكلها تبي تسيطر عليك في البدايه بعدين تروح فيها
أتركها وأترك كل البنات
ترى عندك خوات
فيصل: لا مستحيل هي بذات أتركها
بعدين أي خوات تتكلم عنهم أنت تدري ما عندي خوات
الحمد الله أن أمي ما جابت ألا أنا وفهد

عبدالله: طيب بنات عمك وبنات خالتك مو مثل أخواتك
فيصل: مالي شغل فيهم عندهم أخوان
وأنا هاذي البنت حطيتها في راسي بس
وأرجوك سكر الموضوع
ولا تفتحه مره ثانيه

عبدالله: الله يهديك بس
فيصل: يهدي الجميع

وسكت عبدالله وهو مستغرب منه..

 ***********

ومرت الايام ..وقرر فيصل يسألها عن عايلتها
الانه فكر يرتبط فيها

فيصل: ممكن سؤال
شوق: سؤال بس ممكن عشره
فيصل: لا.. بس واحد وأتمنى مايكون أحراج عليك
شوق: لا أسال عادي
فيصل(خذ نفس عميق): ممكن أعرف عايلتك
شوق: ما طلبت شي بس أنت قول أول
فيصل(وهو فرحان): أسمي يا طويله العمر
فيصل بن أحمد أل فلان
وأنتي.. ألو
ألو

شوق سكرت السماعه أنصدم من رده فعلها
دارت فيه الافكار ليش سكرت
لهدرجه عايلتي ما عجبتها
وأنا أسمي يهز اللي مايهتز
والله ما أخليها لك يا شوق
أنا فيصل تتسكر السماعه في وجهي على يد بنت
أن ما خليتك تندمين عالساعه اللي كلمتيني فيها
ما أكون فيصل

(كل هذا الكلام قاله في نفسه وهو من القهر
مو عارف شنو يسوي)
دق على جوال شوق قفلته على طول
وجاء على باله ان الشحن خلص
بس مو معقوله ثلاث أيام مقفل

 ***********

وهو جالس مع عبدالله..

عبدالله: وش أخبارك مع ست الحسن على قولتك غير
فيصل: وش فيك عليها أنت هي الوحيده اللي مهتم من أمرها
عبدالله: مدري عندي أحساس أن البنت هاذي وراها شي
وتعرف أحساس أخوك
واحد من الميه يخيب

فيصل: والله لخليها تندم على حركتها هاذي
عبدالله: ليه وش سوت
فيصل: أنا فيصل تسكر السماعه في وجهي
عبدالله: فيصل البنت ماراح تسكر كذا قولي وش قايل لها
وإلا مسوي لها شي كبير
فيصل: ما سويت بس قلت لها عايلتي وسكرت
عبدالله: بس ألعب غيرها
فيصل: بس كذا ليه مو راضي تصدقني كل ما قلتك شي قلت ألعب غيرها
عبدالله: أنا الصراحه ما أرتحت لهاذي البنت
فيصل: أنا عكسك أكيد فيه سبب خلاها تسكر في وجهي مصيري راح أعرفه
بس قهرتني حركتها
عبدالله: ما عاش اللي يقهرك

وبدت سوالفهم اللي ما تخلص

***********

وشوق حالتها حاله بعد اللي صار
مصدومه تحس أنها في حلم
جلست يومين مو طبيعه
وما كان أحد يعرف اللي فيها الا صديقتها حنان
شوق: حنان تكفين ساعديني
حنان: آمري وش تبين

وقالت لها السالفه
وبما أن حنان أم الحلول كلها
أكيد راح تساعدها
***********


طبعا ما راح اكمل لكم الا اذا شفت ردود حلوووووووووووووووه مثلكم


ويالله عاد ابي تشجيعكم

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©