موضوع مقدم من منتديات ديزاد
منتديات ديزاد باتنة
ونا افتح احد الجرايد الاعلانيه اللي ترست بيتونا لفت انتباهي كثرة الاعلانات التجميليه الموجهه للجنس الناعم واقصد الااعلانات التجميليه مثل دهن النحافه وكريم المتن ودوا لتطويل الشعر ودوا ينعمه يحوله من ليف للحرير ومن هاللاشياء الغريبه حنا كلنا نعرف ان الصناعه التجميليه شغاله زين هالايام لانها صناعه مربحه ونعرف ان الشركات العالميه للتجميل وصناعة المواد الجماليه تتفنن بصناعتها وتتحدى كل الازمان حتى لو انها تبيع الهوم وخاصه للجنس الناعم اللي مادري ليش يصدق بسرعه يصيدونه ويضحكون عليه ....وبسرعه يصدق ان من الممكن الحصول على الشباب الدائم والحيويه الابديه....وهذا طبعا مستحيل لان حنا نعرف ان العطار لايمكن ان يصلح ما فسده الدهر وهالشي قالوه من سنة جدي ... حنا ندري ان الطب الحين تطور وطلعت اشياء كثيره ما يعرفونها زمان وصج هالايام تقدر تدخل ام توفيقالمسكربه لاي عياده وجهها متروس تجاعيد وجسمها سايح ومترهل مخلي الجسم طبقات فوق بعض وتقعد في العياده وهي ساكته ويدخل عليها الطبيب وهو شايل بيده البوم صور 2014 ويطبطب على كتفها للاطمنان وهو يعطيعا الابومات عشان تختار الصور 2014ه اللي بتصير مثلها وبعد ماتختار الصور 2014ه تقرقش شنط 2014تها الماركه وهي تسمع الطبيب يقولها (دونت ويرى)كلو تمام انتي يشوف بعد عمليه انتي شلون يكون هلوه اجد تبتسم له ام توفيق وتقول له يعني بعد العمليه اصير بيوتفل حيل واقدر اتزوج واحد صغير ؟ يقول لها الطبيب : افكورس اكيد انتا بعد عمليه كلو شباب راح يلحق ورى انتا صغير كبير يحب انتا تبتسم ام توفيق ابتسامه شقاقيه كلو شباب راح يركض وراى ويحبني الطبيب : هزا شي تبيعي من حق كل انسان ان يحب مافي مشكله وانتي رح يكون جميل وصغير ويحبي ..... تصدق ام توفيق وتنق وتدفع الفلوس ويتجدد الموعد للعمليه وتدخل ام توفيق حسب الميعاد للمستشفى وتنسدح بغرفة العمليات وتتخدر ويوقف الطبيب والمساعدين حقينيه يطالعون كومة اللحم اللي قدامهم وامخاهم تفكر بالله هذي شلون نرقع فيها لازم من هالجسم خمسين سنه شحم وبعد ما يفتر الطبيب وهو يحك راسه يفكر بيده طبشوره يخطط على الكتل اللحميه ومره يمسك خدها ومره راسها ويلف فيه وهو يتامله ينزل يتحسس رقبتها المتروسه بالعروق والتجاعيد ويمسك ايديها وهو يفكر شيشد هالجلد اللي يتخضخض مثل الجلي ويتفحصها يدرس مفصلها دراسه كامله وبعد التفكير يقول وهو يبتسم للمساعدين مافي مشكله نسوي شوية شد هنا ويشخط بطبشوره لونها ازرق ويقول ونعمل هنا كمان شد شويه وبعدين نلم الزوايد تحت الابط والرجل تحت الركبه مارح يبان شي ووو ....وتبدء العمليه يشق بهالجلد ويخيط ويتحول الجراح لخياط هندي يفصل جسم ام توفيق حسب الموديل اللي اختارته وهي تحت البنج نايمه وهي ما تدري عن شي خذ من هاللنقه وحط بهالنقطه ياخذ قطعه من الجلد ويزرعها بمكان ثاني بالوجه والرقبه وهو على هالمنوال لما تتحول ام توفيق لبريتني وهي بالعشرينات ولو بيدها ترجع اصغر ما يهم لو تدخل الروضه وتدرس مفصل من جد وجديد وهالشي يذكرني بالعجوز اللي لقيت مصباح علاء الدين السحري وفرحت فيه ويوم طلع الجني قال لها شبيك لبيك عبدك بين ايديك امري ... قالت له تقدر ترجعني بالعمر واصير صغيره قال لها اقدر اربعين سنه زين لا اربعين سنه كثر ما سويت شي ابي اصغر قال لها زين عشرين سنه قالت طالع هذا عشرين سنه واجد ابي اصير صغيره واتمتع بحياتي من اول قال لها اشكثر تبين قولي خلصيني قالت ردني لعمري سنتين توني اتفطن للدنيا ... قال تبين اسوي عمرك سنتين قالت ايه قال لها الحين على امرك سنتين سنتين ورجعها وتحولت لطفله عمرها سنتين وثاني يوم يصيبها مرض الجدري وتموت المسكينه ما تهنت مثل ام توفيق لمن خلصت العمليه رجعت تي نيجر وحلوه موقتا لانها من رجعت لديرتها وصابها الواهي قام يرخي الجلد المشدود والعمل فلوسها صرفتها عل ى العمليات الاولى وخلصت شلون رح تسوي عمليات جديده ولان الطبيب الحمر شفط كل فلووسها وصور 2014 لها صور 2014تين وحده جانبيه والثانيه سيده ونشرهم بالجرايد تحت عنو ان ام توفيق بعد التعديل عشان يصيد العجائز اللي مثلها

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©