موضوع مقدم من منتديات ديزاد
منتديات ديزاد باتنة
هذا واحد توه معرس وخلصت الزفه والطقطقه والامر اللي بالقصر...::. :Taj10: :
أخينا في الله خذ حرمته وركبو السياره ودعس للقصيم(يعني أهل العروسهبالرياض وهو ساكن بالقصيم)....
البنت مستحيه وساااكته طول الطريق...والرجال يسولف ويهذر..البنت ماحولك ساكته..قال خل اشغل المسجل وامسك الخط....
في الوقت نفسه كانت البنت محسوره بس تستحي تقوله ابي حمام(الله يكرم القارئين).:icon_frow راحت انسدحت وراالسيت الوراني..الرجال ماوعى الا وهاذيك المحطه ويصفط عندها ياخذ له كم كيس فصفص على علبة بيبسي للطريق...
نزل الزوج ،قزت الحرمه دورات مياه حق الحرسيم يم البقاله..قالت لنفسها انزل واخلص بسرعه وارجع قبل لايرجع من البقاله......
الـــــمهم..المسكينه راحت وخذت وقتها..خينا في هالوقت رجع للسياره وعلى باله مرته في المرتبه اللي و
(خبركم العبايه سودا وآخر الوقت)ما انتبه انها مهيب فيهويدعسسسسسسسسس...
المسكينه طلعت مرتاحه ....وتناظر؟؟؟؟؟؟..:blink: وين السياره يابنت؟..

تتلفت ماتشوف الا الهنودحق المحطه ..وبو يــمن حق البقاله...
المسكينه تتامل انه بيحس وبيرجع...الا ذاك الجمس جاي للبقاله وتقز الحريم اللي بالجمس ..وتركض لهم وتروح للحرمه اللي قدام:يـاخاله..انا داخله على الله ثم عليكي...وهذي قصتي....
تقول لها احرمه(الشايبه)يابنيتي تعرفين سيارة زوجك؟؟.......
يدعسووون وراه ..طردي..لقو اخيرا صاحب الفصفص مرييح وماشي..الجمس وراه يكبس له.
..عاد تخيل انك على طريق القصيم وفجأه وراك جمس يكبس بالنور بشكل مخييف..وبعد معاناة ولع راعي الجمس النور اللي ورا عشان يشوف انها عايله..اخيرا وقف...





توهق راعي الجمس اشلون يقووله :نسيت مرتك بالمحطه بنص الليل.:icon_frow :icon_frow .فسلم عليه
وقال له:ياخوي كانك مضييع شي؟؟؟قال المعرس:لا..
قال له:رح طل بسيارتك وتاكد..
.العريس قام يوسوس طل على سيارته وقال:يامره..ماطاح عليك شي؟؟....محد يرد..
المسكين تصومع وصار وجهه كرت احمر...قال له اعي الجمس :يالله خذ مرتك..
وركبو السياره...وراحو البيت...

حبيت اني انصحكم من خلال هذي القصه انكم لو بتروحون رحله ولا نزهه تتأكدون من حريمكم وبزارينكم وشيابكم(ولاتسوون لنا نفس القصه هذي اوالحلقه اللي بطاش ماطاش)
:Taj23: :Taj23: :Taj23: :Taj23: :Taj23: :Taj23: :Taj23:

موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©