موضوع مقدم من منتديات ديزاد
منتديات ديزاد باتنة
ذات القوام الفارع الممشوق ذباح القلوب
تمايلت قدام عيني قلت:يادين النبي..

فيها دلع بنت الشمال وكبريا بنت الجنوب
ماقول كلي هام فيها للامانه اغلبي..

هذيك لامنها مشت باست خطاويها الدروب
وتقول تحت اقدامها ((فديت ماطاك ارحبي))

قمت اتهجى حسنها اللامنتهي من كل صوب
كني طفل قام يتهجى ترجمة فيلم أجنبي...






مرت تقل كنها تقود الغيم وفلول الهبوب
وإليا تقفتها الهبوب بظهرها قمت احبي...

تلعثمت فيني المشاعر آتثيقل ثم اذوب
عجزت اعبر باللسان وقمت اعبر بركبي...

كنها تعذب من يناظرها وهو يصرخ:اتووب
لابارك الله في اللثامات الجديده والعبي...

بنت اغنيا مصبوب فيها العز والهيبه صبوب
متغطرسه تاخذ قبل لايسئلوها وش تبي...

تمشي وتملاها الثقه في نفسها ماهي لعوب
عزي لحال اللي يقول :أقدر لها لأنه غبي...

والله لو صب البحر الاحمر لها في وسط كوب
من بعد ماحلاه ثم سواه شاهي مغربي...

ماطال منها مايطفي جمر في جوفه شبوب
عزاه له يمشي وراها حاله بحال الصبي..

((برج العرب))لو شاف ماشفته بوقت الغروب
بيقول:ودوني((الخبر))والله ماقعد في((دبي))


منقول لعيونكم...


موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©