اذا اخطيت سامحني وعاتبني
وامسح دموع لها كم عام ما طاحت
مو ذنبي اني احبك لا تحاسبني
الله وكيلك جروحي للقا صاحت
قول وش تبي بس تكفى لا تعذبني
ترى عيوني عقب فرقاك مارتاحت
شوف الحزن صار يقرآني ويكتبني
والنفس عن ما حصل في غيبتك باحت
تعال اقهويك بشعري يا متعبني
فرقاك نار..وقصيدي دلته فاحت
ان كان ودك تحاربني بتغلبني
سلاحك الحب..وجيوشك بي اجتاحت
مهما تغيرت.. واثق انك بتحبني
ترجع اذا زادت همومي ولا انزاحت
عن ضيقتي لا تقول ارجوك جاوبني
بس قول راحت..واقول بذمتي راحت
وسلامتكم
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
