معاناتي مع ولدي

القصة بااختصار ......انا عندي ولد زي القمر فجأه اصابتة شحنات كهربائية تتسبب في حدوث تشنجات له اول الحالة كانت خفيفه حتى اني مانتبهت له كان يرفع يديه فوق كأنه يكبر مع الوقت زادت معاه الحالة وصار يطلع منه صوت شخير ويتعرق ويصير حار زي النار وعيونه تقلب بيض اوديه للمستشفى المركزي بعرعر وطبعا كعادتهم ماينفعون بشي وانا يتقطع قلبي عليه كل ماشوفه اذا جته الحاله وهو واقف يطيح ويضرب راسه بالارض وكل يوم اصابه شكل لحد مايطلع الدم ودايم خايفه عليه لايطيح على راسة ويرتج مخه على اعصابي طول الوقت حتى لعب مثل باقي الاطفال مااقدر اخليه طلبت لة تحويل للرياض فرحنا قلنا جانا الحل انشاالله ورحنا لمستشفى الملك خالد الجامعي بالرياض وكل يوم التشنجات تزيد وصار يفقد الكلام كل يوم اكثر من اللي قبله وبعد ماستفدنا شي من تاريخ4-7-1430 الى اليوم وهم يعطونا مواعيد ومن عطونا اول موعد
رحنا لمستشفى سليمان الحبيب بالرياض وسوينا له تخطيط واشعه وتحاليل قال انها شحنات وعطانا علاج اسمه كيبرا وبعدين زود الجرعة وعطانا علاج ثاني اسمة تجريتول وبعده واحد اسمه سابريل ونزل التجرتول وكل هالادويه ياخذهن وهو عمره الحين 4 سنوات ولهن تاثيرات جانبية خطيرة الايام هاذي صايره اخف من اول بس الى الان صارله يعني سنتين على هالحاله وحتى كلام مايتكلم كلام مفهوم
وانا خايفه من انه تزود معاه الحالة ارجوكم والله اني بحاجه لاي نصيحة
مع العلم ان شيوخ قالوا انه عين لانه ينام مع القراءة عليه ارجوا ان لاتبخلوا بردودكم ودعائكم...........


موضوع حصري لمنتديات شباب باتنة