باركولى وادعولى يا احلى صحبه



السلام عليكم ورحمة الله وبركاته

اولا الحمدلله انا حامل وبدعى ربنا يتمم حملى على خير
لو تفتكروا فى شهر 4 اللى فات كتبتلكوا ادعولى هعمل تحليل اشوف اذا
كان فيه حمل ولا لا وعملت تحليل دم وطلع سالب
روحت عند دكتوره الشهر اللى بعده عشان تكتبلى حبوب تنزل الدوره
طبعا كشفت سونار قالت مفيش حمل واخدت الحبوب لمدة7 ايام
و استنيت 6 ايام منزلتش امبارح جيبت تحليل بول قولت لعلى وعسى خير
وكنت عند ماما دخلت التواليت من وراهم وعملته عشان لو مفيش
مصدمش حد وسبحان الله فجأة لاقيت خطين واضحين اوى
طلعت اجرى واقولهم باركولى انا حامل ماما مش فاهمة انا بقول ايه
ومرات اخويا بصيت وسكتت وقامت قلت يا بنت الايه
وحضنتنى وباركتلى وبعد ما ماما استوعبت باستنى وباركتلى
وطبعا ما ارتحتش قولت اعمل تحليل دم وفعلا عملت
والحمدلله طلع موجب وروحت للدكتوره وكشفت ولاقيت الكيس
بس لسه مفيش جنين قالت يظهر بعد 45 ..................
بس اعولى ربنا يتمم حملى على خير لانى اجهضت قبل كده
معلش طولت عليكوا بس حابه تشاركونى الفرحه:


موضوع حصري لمنتديات شباب باتنة