حلى السوكسيه .. ولا اسهل من مطبخ احلى برنسس ( شرح بالصور )



هاي يا حلوين
كيفكن ؟؟

اليوم مسوية حلى كتير سهل ... ومكوناته موجودة عندك بالبيت
وما بيحتاج لا فرن ولا قلي

بس على فكرة انا مسوية الكمية ضعف ... يعني لو بدك كمية قليلة . حطي من كلشي النص اووكي ؟؟


ما بدي طول عليكن ... هي المقادير

2 علبة بسكويت
2 علية قشطة
8 ملاعق شكولاته نوتيلا . او اي شكولاته سائلة
6 ملاعق سكر بودرة
وشوية حليب . يعني حوالي نص كوب



اول شي تكسري البسكويت قطع صغيرة




بعدين بتجيبي صحن عميق تاني وتحطي فيه القشطة




وتحطي السكر يا سكرة



وكمان الشكولاته



واخر شي الحليب السائل



وتحركيهم



حركيهم منيح لحتى يصيرو هيك



بعدين بتصبي الخليط على البسكويت المكسر







وكمان حركيهم كويس مع بعض ...



وبعدين بتجيبي ورق قصدير وتحطيه بشكل اسطواني
( حطيه على ورقتين قصدير لان الكمية كبيرة )



وبتلفيه .. متل الشاورما هههههه




واخيرا بتحطيه بالفريرز لحتى يجمد .. يعني تقريبا ساعتين - 3 ساعات
او خليه يوم كامل عااادي .. بس اهم شي لا تنسيه هههه

وبعدها بتطلعيه وتشيلي الورق القصدير وتقطعيه ...
وهاد شكلو ...



وصحة وعافية


لا تنسوا التقييم حبيباتي
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©