نفسك شعرك يبقى كدة تعالى اقولك رهيب



السلام عليكم ورحمه الله وبركاته
نفسك شعرك يبقى كدة


انا من حوالي شهرين بدأت كورس بسيط لشعري عشان هو خفيف وكمان كنت قصيته وكان عامل زي ديل المعزه
وكنت نفسي يطول ويتقل خاصه ان الواحد اتعقد من اللي بنشوفهم في التي في
ورغم ان الكورس بسيط جدا الا انه جاب ماشاء الله نتيجه حلوه جدا معايا
ومش معني انه جاب نتيجه حلوه معايا يبقي طول لنص ضهري في شهرين لا طبعا لان لو قولتلك كده هبقي بكدب عليكي لان دوره حياه الشهر 3شهور
ولو روحتي لاي دكتور جلديه عشان شعرك هيكتبلك علاج ويقولك كرريه لمده3شهور وبعدين اشوفك بس هقولك شعري كان ايه قبل شهرين وبقي ايه دلوقتي
اولا كان خفيف وقصير لحد اول رقبتي
دلوقتي ماشاء الله طول لحد نهايه رقبتي وكمان المفاجاه اللي خلتني استمر انه في شعر جديد طلع وطول قولو ماشاء الله لاقوه الا بالله
والله العظيم ده حقيقه لدرجه من كتر فرحتي بقيت كل شويه ابص عليه في المرايا لحد ماكنت هتجنن
ندخل في الموضوع وكفايه رغي بس هطلب منكو 3حاجات معروفين جدا واكيد زهقتو منهم
اولا التقيم
1)هتسرحي شعرك بمشط خشب وسعره ب2.5ج بس
2)هتجيبي بانثينول لوسيون من الصيدليه وده رخيص جدا ب4.5ج
وهو مكتوب عليه للشعر التالف الضعيف
هتستخدميه مساج لفروه شعرك مرتين في اليوم مره اول ماتصحي ومره قبل ماتنامي بس قبلها تمشطي بالمشط الخشب من فوق لتحت دقيقتين ومن تحت لفوق برده دقيقتين وبعدين تعملي بيه مساج لفروه شعرك دقيقتين
بس انا بقول علي فروه الشعر بس مش تقولي احته علي شعري عشان يجيب نتيجه افضل
كده ياحبيبتي هينشف شعرك
وطالما هو مكتوب علي الفروه بس يبقي علي الفروه
ودي موضوع عن اخت جربته وفي صورته
البانثينول ده روووووووعة بجد.. مش ممكن
3)تعمليه دوامه او طاقيه قبل ماتنامي ولو متزوجه زي حالاتي يبقي اول ماتصحي من النوم وجوزك ينزل الشغل بس مش تشديها
4)تخدي اقراص حديد لو عندك انميا لان ده السبب الاساسي في وقوع الشعر وانا مجربه اقسم بالله لما ببطله بيقع بطوله ولما باخد بيقع بسيط جدا وفي انواع كتير منها فيترون بس غالي شويه وكمان في فيتا زنك تحفه للشعر والضوافر والعين كمان وب4.5ج بس
5)شرب 8اكواب ماء اقل حاجه في اليوم ومش هقولك فوائد و منافع الماء للشعر والبشره وللهالات السوداء واللي عايزين يخسو كمان
وده الروتين اليومي صعب وله مش هتبقي فاضيه تعمليه حاجه بسيطه اوي
الروتين الاسبوعي
1)تغسلي شعرك مره في الاسبوع بالشامبو المناسب لنوع شعرك
انا كنت بستعمل شامبو دوف للشعر المصبوغ

وساعات هيربل اسنسزللشعر الجاف والبلسم بتاعه وفي منه احجام بتبدا ب7.5 للصغير

2)بلسم بعد الشامبو
3)حمام كريم 2مره بالاسبوع
4)حمام زيت وهو ده اساسا الموضوع
انا ياجماعه بقي استعملت زيت مفعوله مفعول السحر وربنا شاهد عليا
بيطري الشعر جدااااااااااااااااااااااااااااااااا وبيديله لمعه وبيطوله وبيكثفه
الزيت هو زيت جوز الهند الاصلي مش المضروب اللي عند العطارين لان اللي عندهم بينشف الشعر جدا
انا استخدمت زيت جوز الهند من اورفيليم كان نازل عرض
بجد تحفه من هنا للسنه الجايه ومش شرط من اورفيليم ممكن اي زيت جوز هند اصلي وبستعمله يوم ويوم ازاي
بجيب كنكه فيها مايه سخنه واحط شويه زيت في طبق فوقيها لحد ماتدفي وقبلها بكون شطفه شعري بميه دافيه ولما يبقي مندي بدهن الزيت واعمل مساح لشعري وبعدين البس بونيه وفوقيه ايشارب او ايس كاب(كنت واخده الفكره من اخت هنا الله يبارك لها) واقعد بيه ساعتين بس واغسله بحمام كريم او بالشامبو
بس وبعدها والله بيقي تحفه وملمسه طري وحرير وبيلمع حتي بعد مااغسله بشامبو ولو حتي مش دهنت حاجه
بس انا بدهنه بعدها كريم فاتيكا
1)قص الشعر يوم15او 16 من الشهر العربي
2)وتخرجي كل شهر ولو جنيه صدقه بنيه العلاج
3)وتقراي الرقيه الشرعيه عليه
وكده بنكون خلصنا والله الكورس بسيط جدا بس نتايجه جباره ومش هياخد منك وقت لو انتي مشغوله او حتي مكسله
وافتكري كويس مش مهم يكون الكورس كبير عشان يجيب نتيجه المهم انك تختاري الاهم اللي هتقدري تدومي عليه ويفيدك
بالله عليكو اوعو تنسو تقيمو وترفعو الموضوع ولو بدعوه وتدعولي
اقسم بالله انا تعبت جدا في الموضوع وكمان انا مجرباه مش بقول كلام وخلاص
ما تنسوش التقييم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©