استعمل مربع البحث في الاسفل لمزيد من المواضيع
سريع للبحث عن مواضيع في المنتدى
-
11-02-2013, بتوقيت غرينيتش 06:22 AM
#1
وصفات جزائرية الاذاعات .. متجدد ان شاء الله .. وصفات جزائرية متنوعة ..ادخلن
هذا الموضوع حبيت نديرو باه نستفادو منو كلنا و فيه راح يكون بإذن الله و صفات اعطاوها مقدمي حصص الطبخ جزائري من مختلف اذاعات الوطن ، هذا الموضوع ماهوش نتاعي وحدي اللي عندها وصفة (جزائرية) من أي اذاعة تحطها مشكورة ، و انا راني نبذل في جهدي باه نصيدلكم هههههه جميع الوصفات جزائرية القيمة ، بصح يد وحدة ماتصفقش لازم نتعاونو
ارجو منكن التفاعل و ارجو الافادة للجميع
و آخر حاجة نقولها دعوة خير في ظهر الغيب لكل وحدة تحط وصفة (جزائرية) تكفي
و شكر خاص للأخت Aziza 05 على تعاونها معى لإثراء هذا الموضوع بالوصفات جزائرية
سلام
نبداو على بركة الله
هذي وصفات جزائرية قدمتها السيدة صليحة في اذاعة عين الدفلى :
1 سيقار المرقاز ( مقبلة )
- كمية من اللحم المرحي.
- حوالي 3 حبات بطاطا مرابية في الجهة الخشينة ( كمية البطاطا لازم تكون اكثر شوية من كمية اللحم )
- حبة بيض.
- كمية كبيرة من المعدنوس ( ربطة )
- ملح و فلفل اسود و قرفة ( كل وحدة و كيفاه تحب داوي اللحم نتاعها )
الطريقة :
في ليان نحطو اللحم المرحي + البطاطا +المعدنوس +.... باقي المكونات و تعجني مليح مليح كيما الخبز حوالي 5 دقائق حتان تدخل المكونات في بعضاها، خليها ترتاح حوالي ربع ساعة و مبعد شكلي حرابيش أي سيقار و خليهم يرتاحو شوية و من بعد اقليهم . تقدم كمقبلة
او كطاجين يسمى طاجين المرقاز ، بصح ديريلو مرقة بيضاء او حمراء و جمري فيه السيقار
2 خبيزات الطرشي
العجينة :
- 500 غ فرينة .
- 1 ملعقة ك سكر .
- 1 ملعقة ص ملح
- 2 ملعقة ك خميرة الخبز
- كاس شاي زيت زيتون او عادي
- حليب دافي للعجن .
نخلطو كل المقادير و نلمو بالحليب الدافي ، و العجينة لازم تجيك تلصق في اليد باه تكون الخبيزات خفيفة و ميش معجنة .
الحشو:
اشوي الفلفل الحلو و قشريه و نحيلو الزريعة و القطامر و احتفظي بالقطامر نحتاجوهم ، احكمي كل فلفلة احشيها بالفرماج طولياو اقفليها و مبعد حلي العجينة و قطعي دوائر كبيرة تتناسب مع حجم الفلفل و حطي كل فلفلة في دائرة و اغلقي عليها مع المحافظة على شكل الفلفلة يعني عريضة من جهة و ضيقة من جهة : ركبي في كل حبة القطمير و ادهني بصفار البيض و ذرذري الجنجلان و خليها تطلع و مبعد طيبيها حتان تحمار نوعا ما .
3 عجينة البيتزا:
- 500 غ فرينة
- حبة بيض
- 1 ملعقة ك سكر .
- 1 ملعقة ص ملح
- 2 ملعقة ك خميرة الخبز
- كاس شاي زيت زيتون او عادي
- ماء دافي للعجن .
اخلطي كل المقادير و خليها تطلع و مبعد شكلي البيتزا كيما تحبي
قلب اللوز
لامونة
عجينة البيتزا
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
المواضيع المتشابهه
-
بواسطة admin في المنتدى الحلويات الجزائرية
مشاركات: 0
آخر مشاركة: 11-02-2013, بتوقيت غرينيتش 02:45 PM
-
بواسطة loulou ange في المنتدى قسم المعجنات و الأطباق الرئيسية
مشاركات: 0
آخر مشاركة: 11-02-2013, بتوقيت غرينيتش 07:25 AM
-
بواسطة romaissa في المنتدى قسم المقبلات و السلطات و الشوربات
مشاركات: 0
آخر مشاركة: 11-02-2013, بتوقيت غرينيتش 06:48 AM
-
بواسطة salima في المنتدى المطبخ الجزائري
مشاركات: 0
آخر مشاركة: 11-02-2013, بتوقيت غرينيتش 06:30 AM
-
بواسطة linnou في المنتدى المطبخ الجزائري
مشاركات: 0
آخر مشاركة: 11-02-2013, بتوقيت غرينيتش 06:21 AM
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى