اسعد الله ,, ايامكم بطاعته أحبابي ,,
اليوم حبيت أشارككم بعمل الاكل الصيني ,, بــ فيليه السمك وان شاء الله تعجبكم
الطريقه وتنال اعجابكم ,,
نبدا على بركة الله ,,
فيليه سمك
ولــ تتبيله نحتاج
مزيج من الثوم والزنجبيل المهروسه ومنقوعه بعصير ليمون
بابريكا + بهارات سمك مشكله + الملح الصيني آجي نو موتو
صلصة الروشستير الحاره والمبهره + صلصه خاصه بالسمك تلقونها بالسوبر ماركت
وهذي صور 2014ه للمقادير
نخلط المقادير مع بعض بالشكل هذا
ونقطع الفيليه القطع حسب رغبتك بس يفضل تكون كبيره شوي
ونحطهم بــ التتبيله وندخلها الثلاجه يفضل تعملينها من وقت حتى تاخذ راحتها
وتمتص التتبيله بشكل كافي انا سويتها من الليل قبل أنام
عشان وقت الغدا من بكره تكون جاهزه ,,,,
وهذي صور 2014تها ,,
الحين خلصنا السمك ,,
نبدا بعمل الخطوه الثانيه ونحتاج لها ,,
بصل وثوم وزنجبيل مقطعه شرائح
فلفل رومي "" أخضر أصفر أحمر "" مقطع حسب رغبتك
كوسه مقطعه
جزر مقطع
ملفوف ابيض
نبدأ الحين نشوح الكوسه والجزر مع شوي زيت زيتون لحد ماتذبل شوي
بعد كذا بنفس القدر نحط البصل والثوم والزنجبيل ونزيد كمية زيت الزيتون ونقلب
لحد مايذبل البصل
بعد كذا نضيف باقي الخضار ونضيف الكوسه والجزر اللي شوحناهم مسبقاً مع اضافة
حبة ماجي وملح أجي نو موتو
نقلب الخضار مع بعض وفي هذي الاثناء نحضر الصوص اللي راح نضيفه على خلطة رائعة الخضار
وهو عباره عن
كاتشب
صويا صوص
نشأ
المقادير مو ثابته على حسب رغبتك اذا حابه الصوص يكون ثقيل تزيدي كمية النشأ
نخلط المقادير مع بعض بهذي الطريقه ,,
بعدين نضيفها على خلطة رائعة الخضار
ونتركها على نار هاديه ,,
في الاثناء هذي نرجع للسمك المتبل ,, ونجهز خلطة رائعة التغليف قبل مانبدا بالقلي
وهي عباره عن نشأ + بقسماط انا استخدمت بقسماط جاهز متبل وحار
نخلط المقادير ونحطهم بكيس نايلون نحط السمك فيها ونقلبهم لحد ماتتغلف
قطع السمك كلها ..
وهذا شكل السمك جاهز للقلي ,,
وهذا بعد القلي ,,
الحين نرجع لخليط الخضار ونشوف الوضع كيف صار
اذا لاحظتوا لونه تغير وصار مايل للبني الغامق وهذا بفعل الصويا صوص والكاتشب
الحين نضيف قطع السمك على الخطه ونقلبها شوي بهذا الشكل
نتركها على نار هاديه وناقي نظره سريعه على الرز الابيض بالزبده والبازيلاء الخضراء قبل
مايستوي كلياً ونبدأ بتقديم الوصفه ,,
النتيجه النهائيه ’’ اتمنى تنال على اعجابكم وترضي اذواقكم جربوها وانا أكيده
رآح تعجبكم حيييل ,,
ملاحظه ,,, للي مايحب السمك ممكن عملها بــ فيليه الدجاج بنفس الطريقه
او فيليه اللحم بس طبعاً بدون قلي يتشوح على النار لحد ماينضج وتكملين باقي الوصفه
عادي
|
رد مع اقتباس
