بادنجان بالخضر و الطون

اليوم درت وصفة (جزائرية) بالخضر والبدنجان بنينة ياسر كي درتها الي ياكل منها يزيد المهم نمدلكم الوصفة (جزائرية) وجربوها نبداو علي بركة الله روج حبات باذنجان بلا ماتقشروهم قطعوهم مربعات زيدولهم واحد فلفل حلو مع واحد فلفل حار ديرو كلش في مقلاة يتقلاو مع الزيت الزيتون ومن افضل لانو يعطي نكهة غير ثو ضيفو حبة بصلة كبيرة مقطعة شرايح تبلي بالفلفل الاسود والملح و اعشاب عطرية ونغطيو المقلاة ونننقص عليها النار باش يذبل البصل مع التحريك المستمر و كي يذبل كلش صيفي حبة صماطم مقشرة ومقطعة مربعات وخليها تنضج وغطي عليها ثم قشري حبة ولا زوج بطاطا وقطعيها دواير وقليها في قليل من الزيت ثم ضفيها للخليط طفي النار وزيدي كمية من الطون بالزيت زوج باطات صغار وزيدي فورماج رابي وحركي و قدميها بالصحة و الهنا جربوها يا البنات راهي تجي بنينة بزاف



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©