سر جمال اليدين*لا يفوتكم



بسم الله الرحمن الرحيم

السلام عليكم و رحمة الله و بركاته..



أول شي نورتوا الموضوع كلكم..وأوجه شكري وتقديري للجميع على تشجيعكم ليه في مواضيعي وأهديكم باقة من الورود مغلفة بالحب والود والأحترام والتقديروأرجوا أن تنال على أعجابكم يالغاليات..



حبايبي ماراح أطول عليكم كل وحده فينا تحلم بيدين الكل يتغنى بجمالها لأن المرأه الجميله دائما تنعرف من جمال يدينها ودايما اللي يدها بيضاء وأظافرها متناسقه وفي نفس الوقت ناعمه ولامعه هي هذي
اللي يدها تلفت النظر وتحسينها أنثى من يدينها الساحرتين وتلقين أكثر الحريم يسألونها عن سر جمال يدينها لذلك راح أكتبلكم عن سر جمال يدين خالتي ماشاء الله أول مايلفتك فيها هو يدينها حتى لماتلبس العباية تبين يدينها بيضه ومورده والأظافر خيال ومره من المرات سألتها عن اللي تستخدمه ليدينها وفعلا يابنات بعد أسبوع من الأستخدام يديني راحت كلها نعومه والأظافر تحسنت 180 درجه وصارت قوية وغير كذا راحت اليدين فيها لمعه ماشاء الله تبارك الله وبعدها صرت ماأستغنى عن هذي الشي أبدا وصار من أسراري أنا بعد خالتي لاكن قلت مايعز عنكم يابنات حواء لأني شفت كثيييير بنات تعبانين مع يدينهم وأظافرهم

نجي لطريقتي اللي علمتني عليها خالتي لتنعيم وتبيض اليدين ..
أول شي نسوي سنفرة لليدين وهذي مقادير السنفرة اللي أسويها ليديني..
ملعقتين سكر
ملعقتين ليمون
نص ملعقة ملح
4 ملاعق زيت الزيتون أو( زيت اللوز المر لوماتوفر عندنا زيت الزيتون)..
تخلط المقادير مع بعض ونفرك بها اليدين لمدة 5 دقائق بعدين نغسل اليدين بالمويه بس
وهذي السنفرة فائد تها تنظف اليدين وتشيل الجلد الميت بين الأظافر وتنعم اليدين ..

وبعدها نجي للخلطة اللي ندهن فيها أيدينا مرتين باليوم ..

تشترون الأتي ..
1 علبة فازلين المقوي للأظافر..


نص ليمونه ..
ملعقة فكس..
ملعقتين جلسرين اللي علبته زي الدواء..
1 كريم للتبيض أنتي أختاري اللي يناسبك.يعني أي كريم تبيض يعجبك .
ملعقة كريم جلسوليد الأحمر..
وتخلط الكريمات مع بعض وتوضع في علبة زجاجيه بالثلاجه وكل يوم تاخذين من هذي الخلطة مقدار ملعقة وتعصرين عليه نص ليمونه وتدهنين يدك منها مرتين باليوم أو مره قبل النوم وشوفي يدك يوم ورى يوم بتفتح وتنعم وتصير زبده والكل بيسألك عن سبب نعومتها ولمعانها وبياضها وغير كذا فازلين الأظافر بيطولها ويقويها ..وعلى فكره هذي الخلطة بدون مبالغة تخلي مفاصل يدينك تبيض وتلق بلون يدينك روووعه لاتفوتكم يابنات

منقول
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©