السلام عليكن حبيباتي واخواتي
صحا عيدكم وكل عام وانتن بالف خير
وحشتوني وحشتوني وحشتوني
اليوم حبيت نقدملكم قاطو بنين بزاف بزاف وبريزونتابل يصلح للمناسبات والافراح واهم حاجة انو مايكلفش يعني مافيه لا لوز ولا جوز نتمنى ينال اعجابكم

المقادير
1كلغ كاوكاو منقي ومقلي ومرحي من التعليم المتوسط
2 علب قاطو كاسكروط المربع اللي غلافو اصفر نسيت ماصورتوش
150غ جلجلانية مقلية ومرحية +علبة صغيرة حلوة الترك او شامية
4 ملاعق كاكاو+كمية من ماء الزهر
250غ زبدة لابال دوبيها مع نصف كاس عسل عادي اللي يتباع+2شراح شوكولا سوداء نتاع الميزان يعني تقريبا 400غ
1كلغ شوكولا بيضاء +4 مغلفات كولورو او ملون غذائي ابيض
عجينة التزيين+ملون غذائي حسب الرغبة انا استعملت الازرق

خلطي الكاسكروط المرحي غبرة مع الجلجلانية وحلوة الترك والكاكاو



زيديلهم الكاوكاو وخلطي


صبي فوقهم خليط الزبدة والشوكولا وخلطي وابداي لمي بماء الزهر حتى تتحصلي على عجينة





شكليها حرابش فوق بلاطو مدهون بالزيت ودخليها الثلاجة نصف ساعة



في هدا الوقت حطي نصف كاس مايزينة يفور في كسكاس عادي كيما تفوري الطعام حتى تسخن المايزينة





وصبيها فوق العجينة واخدميها مليح حتى تطرى نحي منها قيس جوزة وخليها على جنب واللي بقالك زيديلو الملون الغذائي





خليها تبرد شوية وحليها فوق المايزينة


واطبعي وردات من التعليم المتوسطة



انقشيها بعود الاسنان على الجوانب وحطي شوية عجينة بيضاء في الوسط



ابرشي الشوكولا البيبضاء وحطيها في كاسرونة مع الملون الابيض فوق حمام مائي على نار هادئة جدا من دون اي اضافات حذاري لاتتخسر الشوكولا





بواسطة بانسو ادهني الحرابش



وخليها تتجمد شوية فقط وقطعيها حسب الرغبة انا قطعتها مربعات



ادهني وسط كل حبة بشوية شوكولا دايبة ولصقي وردة من عجينة التزيين وادهني الكل بليستراج






حطي الحبات في كيسات آرقونزا ثم في كيسات دونتال ورشي براق غذائي فضي وازرق على الوجه










نتمنى ينال اعجابكم
انا عملتو لصديق زوجو بمناسبو خطوبتو ربي يكملو على خير
ممكن تبدلي الشوكولا البيضاء بالسوداء حسب الرغبة وممكن تشري الوردات اللي بعجينة التزيين
هاد الكمية تقطعلكم تقريبا 80 حبة
ممكن تقطعيه مقروضات ولا تعمليه كويرات كيما اللي في الصور




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©