السلام عليكم
كيكة ساهلة و راااائعة في المداق و بمقادير موجودة في كل بيت
نبدأ بتحضير الكيك المقادير
6 بيضات
150 غ فرينة
150 غ سكر ناعم
كاكاوو 2 مغارف كبار و رشة ملح
نضرب الصفار مع السكر جيدا
ثم نضيف الفرينة و الكاكاوو و نضرب جيدا
نطلع بياض البيض على جنب
و نخلط المزيجين بالطريقة المعتادة من دون ان نكسر الهواء اللي دخلناه للبيض
و نحطها في مول مفرش بورق الخبز و الى الفرن
نخرجها و ننزع الورق و نحضر السيرو اللي هو فنجان ماء و فنجان سكر على النار يغلوا 10د
نقسم الكيكة الى 3 اجزاء متساوية و نسقيها بالسيرو جيدا
و نحضر كريمة الزبدة
هناك عدة طرق لتحضيرها و لكن هده اطيب و انجح طريقة
250 غ زبدة لينة
250 غ سكر ناعم
2 الى 3 ملاعق حليب
كاكاوو حسب الرغبة او فاني
نخفق الزبدة وحدها جيداا
لما تصير كريمة نبدأ باضافة السكر بالتدريج
و نستمر في الخفق حتى يتداخل السكر تم نضيف الحليب و نستمر بالخلط
ادا كنا حابينها هك نضيف الفانيلا او نلونها بالكاكاوو
نبدأ بمونتاج الكيك
كما قلنا نقسموها 3 اجزاء متساوية و نسقيها جيدا
نحط طبقة كريمة و فوق نقطع اي فاكهة نحبها
و هكدا حتى نكمل 3 طبقات الطبقة الاخيرة مانحطش فاكهة
الان نحضر القلاصاج عملناه في اول درس
المقادير
300 غ سكر ارطب
2 بياض بيض
ملعقة عسل
فانيلا
ربع ملعقة صغيرة بيكرربونات
4 ملاعق كبار ماء بارد
انا استعملت بيضة واحدة اي قسموا المقادير
و نحط طبقة فوق الكيكة كلها
و نحضر القناش
اللي هو الكريمة الطازجة نغليها و لما تبدى تغلي نحط الشوكولا و نحرك حتى الدوبان
ادا مش متوفر الكريمة استبدلوها بالياوورت كما دكرت سابقا
و نصبه فوق الكيكة
نزين الاطراف و نبرش الشوكولا من فوق و نخليها تبرد و تتقطع
و استمتعوا بالطعم الرائع بطريقة بسيطة و غير مكلفة
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
