السلام عليكم ورحمة الله وبركاته

أولا .. صح رمضانكم ( هههه علابالي راني روطار بصح معليش )

ليوم حبيت نشارككم بشرح مفصل طريقة تحضير الشخشوخة بيدي أمي الغالية ربي يحفظها ان شاء الله .. وان شاء الله تعجبكم

نبداو على بركة الله

العجينة .. ساهلة .. ..
دقيق + ماء + ملح

تعجنيها مليييييييييح وتكوريها وتحطيها في سينية وتغطيها بكيس بلاستيكي باه ما تنشفش








مبعد تحطي النشا على المساحة لي رايحة تخدمي عليها .. وتحطي كرية وتزيدي فوقها النشا ( راهي تلصق )




وتقرصيها بالحلالة .. ديريها رقيييقة .. تكون افضل






والى الطاجين ( طاجين الحديد تاع المسمن )






طيبيها من الجيهتين







راهي تكون طرية ..
الوجهة : السيار

حكيها بمغرفة تاع اكل







ومبعد حكيها بيدك .. تكون تقسمت مربعات مربعات .. بالمغرفة






وهذه النتيجة






عقبيها في السيار باه تنحي الفرتات الصغير ( كيما البربوشة : الكسكس )

فوريها .. وفرشيلها في بلاصة نظيفة تيبس (تجف )

وبصحتك الشخشوخة

مضمونة ونظيفة





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©