موضوع مقدم من منتديات ديزاد
منتديات ديزاد باتنة





على فتات التعب جيـت أنشـد الراحـه
وآثرك تحسبنـي أنعـم فـي ملذاتـي
لو يمسح الهم يابـن النـاس مساحـه
ماشفـت كـل الهمـوم تقيّـد جهاتـي
ياغصـن مثنـي تدلـت منـه تفاحـه
منته بمجبـور تؤمـن فـي قناعاتـي
أنـا تربيـت صقـر يقلـه جنـاحـه
عن كـل هيّـن تعوضنـي سماواتـي
مافيه مخلوق، ... سالم حرقة جراحـه
وأنا على الطيّـب. تكفينـي علاقاتـي
شاعر وحظي قفل!.. ضيعـت مفتاحـه
حاول مابين النقـط ..تمـلا فراغاتـي
ماجيتك أكتب شعـوري لجـل تجتاحـه
ولارسمتك وطـن ... لعيـون راحاتـي
شف راس مال التعب، وأنته لك أرباحه
أقراني سطور شعر........، وردد أبياتي
لاضاق صدر العشم مـن قلـة أفراحـه
أوقد شموع الحـزن فبطـون راحاتـي
أنا بحر ما أتفق موجه مـع رياحـه..!
شف "دافع" الموج وأفهم وش معاناتـي
فيني الدقايق علـى "الهقـوات" ذباحـه
الله يـا كثـر مـا "كفنـت" هقـواتـي
لا تحسب إني ظلام... أزعجه مصباحه
أنا ظلامي " هتـك حاجـب خرافاتـي"
ليه العجب ! لا هدانـي ليلـي وشاحـه
الليل ماصـد وجهـه عـن مناجاتـي
ضايق وفيني "التعب" ماتخطي إرماحـه
ولولا "الأمل" ما فتقت حلوق شرهاتـي
وإللي أنكسر من زمانه يصعب إصلاحه
وأنا كسرني زمانـي عـن طموحاتـي
يسترني "الهم" وأخشى زومة إفصاحـه
ويلبْس متوني أكبر مـن مقاساتـي..!
بالمختصر كان لـك عينيـن لمْاحـه..!
لاشفتني ألثـم حروفـي مـن سكاتـي
كفني أطراف حلمـي وألجـم صياحـه
وعلـم مـن يمـر لاياطـى مساحاتـي
علمهم إنـي فرشـت الأرض طراحـه
وعلمهـم إنـي تدثـرنـي سمـواتـي
وإن كان ذنب الرضى التقصير ماباحـه
على شفـا الأسئلة..هـاذي إجاباتـي.؟
أنا رمانـي "خطـأ التأويـل" بسلاحـه
وأوقد من ظلال \ غآياتـي \ عداواتـي
غريب كفّـن خـرز وخيـوط مسباحـه
وعلى رصيفه....تعشم..... للفرج ياتي

مما راق لي
ودي وعبير احترامي

رووووح الخفووووق









موضوع مقدم من منتديات ديزاد
منتديات ديزاد باتنة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©