لعيد الاضحى المبارك حلوى الملفوف باالخطوات وبشكل جديد
السلام عليكم اخواتي
اولا اعتذر من الاخوات على الغياب بسبب انقطاع النت وفي بعض الاحيان بسبب انشغالاتي المهم نحاول نكون معاكم كل ماسمحت لي الظروف.
بما ان عيد الاضحى على الابواب اخترت لكم حلوى اقتصادية وبنينة سبق وحطيتها موضوع وهي حلوى الملفوف لكن هذا المرة بشكل جديد رائع مع تعديل بسيط في الوصفة (جزائرية) ومع الخطوات المصورة لان كاين بعض الاخوات لي جربوها ومانجحوش فيها وكاين لي جاتو صعيبة في عملها رغم انها سهلة اذا اتبعنا الخطوات.
http://http://cdn.top4top.net/i_eab791550d1.jpg
قبل مانحط مقادير العجينة نشرح مفصل اكثر
هذا الحلوى كي نعملها بزبدة ستار تجي احسن في الذوق لان كيما نعرف الزبدة بنينة على المرقرين ويمكن نعمل مزيج بين المرقرين والزبدة ولي ماعندهاش الزبدة تعملها بالمرقرين فقط
انا استعملت مزيج زبدة ومرقرين
http://http://cdn.top4top.net/i_5a122111f11.jpg
المقادير:
رطل فرينة
250غ مرقرين انا استعمات لابال
50غ زبدة ستار
100غ سكر رطب
نصف باكي خميرة
2 صفار بيض ونحتفظ بالبياض
5م ك حليب
م ص فاني
2 م ك نشاء
الحشو:
2كيسان نواد كوكو مرحي
كاس سكر رطب
3م ك كاكاو نوار
2بياض البيض لي كنا احتفظنا بيه من العجينة
كمية من الحليب
للطلاء
شكولة
للتزيين:
عجينة اللوز الاصطناعية
ملون ابيض
لماع فضي
الطريقة:
اولا نحضر ورقة التزيين لي تجي من فوق
ناخذ عجينة اللوز الاصطناعية نضيفلها شوية نشاء وكمية من الملون الابيض ونعجنها لازم ماتلصقش في اليد حتى يسهل تشكيلها
نفرش النيلون ونرش النشاء ونبسط عجينة اللوز وبالحلال وبواسطة طابع على شكل ورقة نشكل اورراق ثم لوي الورقةوهي طرية وحطيها تبس فوق ورق الزبدة من الاحسن نحضر الاوراق صباحا ونعمل بهم في المساء
هذا شكلهم
http://http://cdn.top4top.net/i_39c157d04a1.jpg
الان نحضر العجينة
بواسطة الخلاط الكهربائي نخلط المرقرين+الزبدة+السكر جيدا نضيف صفار البيض +5م ك حليب نحرك ثم نضيف الفرينة والنشاء والخميرة ونلم العجينة دون عجنها
الان نمسح طاولة العمل بقطعة قماش فيها الماء ونفرش النيلون لان كي تكون الطاولة مندية النيلون مايتحركش وهذا يساعدك على العمل
http://http://cdn.top4top.net/i_cb428314d31.jpg
نحط العجينة فوق النيلون بعد نرش السطح بالفرينة ونزيد نرش العجينة من فوق بشوية فرينة نبسطها شوية بالحلال
http://http://cdn.top4top.net/i_c929e7e5691.jpg
من بعد نزيد نغطي العجينة بالنيلون ونكمل بسطها بالحلال بشكل مستطيل ونرققها كل مانرققها يكون احسن لاحظو كيفاه رققتها
http://http://cdn.top4top.net/i_e7dab2418a1.jpg
الان نحضر الحشو
نخلط النواد كوكو المرحي والسكر الرطب والكاوكاو +بياض 2 بيض لي بقى من العجينة ونبل بالحليب نضيف بالشوية ونحرك لازم يكون الحشو طري حتى يسهل تمديدها فوق العجينة
ننزع النيلون لي من فوق العجينة ونحط الحشو بشكل متناثر
http://http://cdn.top4top.net/i_aef75d53d41.jpg
بواسطة سباتولا نمدد الحشو على كل العجينة غير بالعقل
http://http://cdn.top4top.net/i_30fff69dac1.jpg
نبدا نلف من الاتجاهين بالتساوي
http://http://cdn.top4top.net/i_95b2a8cc021.jpg
نستمر في اللف حتى نكمل
http://http://cdn.top4top.net/i_49d2f5cdb61.jpg
بواسطة سكين نقطع العجينة من المنتصف راح نتحصل على زوج حرابش نقطع كل واحد على اثنان نحطهم في بلا مستطيل وندخلهم للثلاجة حتى يتماسكو جيدا لتسهيل عملية التقطيع
من بعد نقطعهم بواسطة سكين حاد بهذا الشكل
http://http://cdn.top4top.net/i_7f78f0af351.jpg
ندخلهم للفرن على180درجة كي يطيبو من تحت نشعل عليهم من فوق
بعد الطهي نخليهم يبردو تماما
الان نذوب الشكولة على حمام مائي نضيفلها شوية حليب ونحرك
نغطس الحلوى في الشكولة من فوق ونحطها فوق مشبك
http://http://cdn.top4top.net/i_c7834185aa1.jpg
نحط فوق كل حبة حلوى ورقة من عجينة التزيين لي كنا حضرناها قبل وهذا قبل ما تشيح الشكولة
http://http://cdn.top4top.net/i_da2a75aa341.jpg
ونزين بالملمع الفضي نحط بشكل مائل
http://http://cdn.top4top.net/i_842ceee5ae1.jpg
بعد ماتشيح الشكولة نحط الحلوى في ليكسات ونقدمها وهذا شكلها النهائي
http://http://cdn.top4top.net/i_16e0c9af011.jpg
http://http://cdn.top4top.net/i_8878d1192a1.jpg
صراحة ذوقها راااائع النواد كوكو مع الشكولة امممممم
http://http://cdn.top4top.net/i_57ff4426191.jpg
وهذا شكلها من الداخل
http://http://cdn.top4top.net/i_597cb65bff1.jpg
ان شاء الله تكون الشرح مفصل كافي والخطوات واضحة هكذا لي تجربها تنجح فيها
ولاتنسوني غالياتي من صالح الدعاء
في امان الله
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©