مقروظ النقاش خطوة خطوة من مطبخ جزائري ام اماني

السلام عليكم اخواتي نتمنى تكونو كاااامل بخير
وصفة (جزائرية) اليوم مقروط النقاش صراحة جربت عدة وصفات جزائرية لكن هذا الوصفة (جزائرية) كانت الاحسن على الاطلاق يجي يذووووب في الفم نخليكم مع المقادير والخطوات
المقادير:
3 كيلات سميد من التعليم المتوسط من النوع الممتاز انا نستعمل دائما سميد السفينة هايل للمقروظ
كيلة ونصف فرينة
كيلة معمرة مليح سمن ذايب وبارد
نصف كيلة زيت
ملح على حساب كمية الدقيق والفرينة نملح اقل من الكسرة بشوية
خليط من الماء وماء الزهر انا استعملت ثلاثة ارباع الكيلة على حساب نوعية الدقيق
الحشو
غرس منقي ومرحي نفوروه ونضيفلو 3م ك سمن ذايب+3 م ك عسل+نصف م ص خميرة الحلوى+شوية قرفة+القليل فقط من القرنفل مرحي وهذا الكمية لبلاطو صغير نمزج المقادير مع بعض ندهن يدي بشوية زيت ونشكل حرابش
الطريقة:
http://http://up.top4top.net/uploads/2014/1...7548aecfd1.jpg
هذا دقيق السفينة المن التعليم المتوسط يتباع بحجم1كغ هااايل للمقروظ
نخلط كمية السميد مع الفرينة والملح ونضيف السمن الذايب والبارد والزيت
http://http://up.top4top.net/uploads/2014/1...4916848e61.jpg
نخلط باليد راح يكون الخليط جاري شوية عادي نضيف كمية الماء وماء الزهر ونلم العجينة بلا مانعجنها
http://http://up.top4top.net/uploads/2014/1...f7ba137881.jpg
نغطيها ونخليها ترتاح على الاقل ساعة
ناخذ كمية من العجينة ونضع بداخلة حربوش من الغرس
http://http://up.top4top.net/uploads/2014/1...5da2becc11.jpg
نغلق عليه بالعجين ونشكل حربوش واذا كان طويل نقسم على اثنان لتسهيل العملية
http://http://up.top4top.net/uploads/2014/1...3f50d6b1b1.jpg
نقطع مقروضات ونستعمل طابع على شكل معين باه الحبات يجيو كيف كيف ولي ماعندهاش تقطع وتحاول يكون حجم الحبات متشابه
http://http://up.top4top.net/uploads/2014/1...15ea9fdef1.jpg
وبواسطة النقاش ننقش من فوق
http://http://up.top4top.net/uploads/2014/1...ed8b6d2591.jpg
نحط الحبات في البلاطو بجانب بعض باه ما يتحرقش الغرس
http://http://up.top4top.net/uploads/2014/1...9fd7f34011.jpg
ندخل للفرن يكون مسخن مسبقا على درجة حرارة200 درجةفي الرف الاوسط ونراقب الطياب
كي يطيب من الاسفل نهبطو للرف السفلي ونشعل من فوق حتى ياخذ لون ذهبي فاتح
بعدها نخرج من الفرن ونخليه يبرد تماما
نسخن العسل مع ماء الزهر ونشحر الكمية لي نحتاجها ونحتفظ بالباقي في علبة حتى لمدة طويلة وهذا شكله النهائي
http://http://up.top4top.net/uploads/2014/1...593712dec1.jpg
صراحة يجي هاااااايل ويذوب في الفم
ملاحظة
ممكن الكيلة تكون صغيرة نستعمل كأس مثلا ونجرب ويمكن نعملو بالطابع العادي بلا نقاش
نتمنى يعجبكم وتجربوه واكيد راح تدعولي
في امان الله



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©