المقادير
500غ مرغرين (لابال)
400غ سكر قلاصي مغربل
400غ نوع من المكسرات يفضل الجوز اوالكاوكاو مقلي مليح
700غ فرينة
فنيلا
التحضير
1 ذوبي الزبدة علي نار هادئة لمدة 15د تولي سمرة شوية وتصفيها هداك لي يقعد التحت سيحيه
وحطيه فثلاجة لمدة 5ساعات حتان يجمد
2 اخلطي هديك المرقرين لي جمدت مع السكر قلاصي باليد متستعمليش الخلاط ثم زيدي عليها الفنيلا
والكاوكاو
3 الفرينة لي عندك نحي منها نصف الكمية وقليها حتان تولي سمرة ثم خلطيها مع بقية الفرينة متنسايش خليها تبرد
4 اصيفي الفرينة الي بقية المكونات حتان تولي عجينة حاكمة روحها مليح
5شكلي حربوش قطعيهم مقرودات وزينيهم بالجوز من فوق وطيبيها علي نار من التعليم المتوسطة

ملاحضة مهمة
لازم جميع المقادير يكونو عل حرارة الغرفة الا المرغرين تكون باردة

هذي الوصفة (جزائرية) دائما نستعملها والكل يقولي عطينا الوصفة (جزائرية) ننصحكم تجربوها وتردولي بالخبر
صحا فطوركم وصحا عيدكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©