استعمل مربع البحث في الاسفل لمزيد من المواضيع


سريع للبحث عن مواضيع في المنتدى
النتائج 1 إلى 3 من 3

الموضوع: **ثريدة** من المطبخ جزائري الجزائري

  1. #1
    Senior Member
    تاريخ التسجيل
    Sep 2013
    المشاركات
    46,936

    **ثريدة** من المطبخ جزائري الجزائري




    أهلا أحبتي جمعة مباركة انشاء الله واش راكم كل وحدة تدخل لهاذ الموضوع تقولنا وش دارت غداها أو امها وش دارت ok!!؟؟
    أما أنا راح نوريلكم غدايا من أ الى ي وممكن تستفادو من طريقتي في الطبخ جزائري غدايا اليوم (( ثريدة )) بالدجاج تبعوا معايا

    أول حاجة أنا طبخ جزائريت لعائلة 5 أفراد
    (( حبة بصلة كبيرة ، حبة طماطم كبيرة ، 4 فصوص ثوم ، ملعقة كبيرة مارغارين ، 2 م ص ملح ، ملعقة صغيرة ونصف فلفل أسود ، م ص كسبر ، رشة جوزة الطيب ))
    في طنجرة الضغط ( كوكوط ) حطي المارغارين تذوب


    هاذو التوابل


    قطعي البصل والطماطم والثوم قطع صغيرة وحطيهم يتقلاو شوي مع المارغارين


    حطي الدجاج مفصل بعد ما تكوني نقيتيه ملييييح من الامعاء وتغسليه وتشوطيه فوق النار وزيدي اغسليه بالماء والخل هاكا يكون دجاج نتاعك نطيييييف 5/5


    اذا حبيتي تضيفي فلفل عكري حار + هريسة أنا نحب الحار


    وزيدي الماء حتات يغطي الدجاج أنا درت لتر ماء وخليه حتان يغلي وغلقي الكوكوط كي تبدأ الكوكوط تصفر نقصي النار بعد 20 د طفي يكون الدجاج طاب


    من جهة حضري الكوسى أغسليها قطعيها على 2 وملحيها مليييح باش تخرج ماء لي فيها وخليها على جهة



    الان الثريدة ديري الكمية لي تشوفيها تكفي للعائلة ديريلها شوي زيت كمية صغيرة حاولي تخلي حبات الثريدة مزيتين شوي وحطيها في الكسكاس وخليها تفور لمدة 15د وخطيها بمنشفة نطيفة منديرش الغطاء لان راح يتندى ويهبطو قطرات الماء على الثريدة من بعد راح تتعجن




    من بعد أسقيها بقليل من الماء وغطيها بمنشفة وخليها ترتاح شوي من بعد زيدي فوريها للمرة الثانية لمدة 10د وهي تفور وخليها في الوعاء وغطيها حتان كي تجبي تجمريها


    الان بعد ما تفتحي الكوكوط نحي الدجاج حطيه في صينية باش يتحمر في الفرن


    وميكسي المرق بالميكسور أو الرحاية اليدوية وصفي المرق كشما يكون فيه عظم ورجعيه في الكوكوط وأضيفي طماطم مصبرة والكوسى والحمص نص طياب


    وشعلي النار خلي المرق يبدا يغلي وغلقي الكوكوط لمدة 10د الكوسى سهلة للطياب

    حضري توابل الدجاج باش يتحمر
    (( كمون ، ملح ، فلفل أسود ، فلفل عكري حار ،هريسة ، مايونيز ، زيت ))


    ندهنو الدجاج بالبانسو نحيلو الجلدة هاذيك وتبليه ودخليه الفرن شاعل من فوق يتحمر



    بعد ما طيب الكوسى أضيفي الفلفل حار أذا تحبيه المرق حار شوي خليه يغلي شوي برك وطفي



    الان نوريلك 2 طرق تقديم البيض مع المعجنات التقليدية

    1/ حطي شوي زعفران بودرة مع الماء وحطي البيضو مقشرة تتنقع في ماء الزعفران حوالي 20د راح تأخد طبقة رقيقة صفراء وهايلة للتقديم




    2/ خذي أداة تكون رقيقية شوي وغير حادة أنا أستعملت السباتولا ، و قطعة ورق الالمنيوم مطوية كما في الصورة



    حطي الورق ما بين الابهام والسبابة ووضع البيضة أيضا والاداة من فوق مع الضغط بالراحة لمدة دقيقة


    هاهي كيفاش تكون

    وهاذا شكلها النهائي على شكل قلب واش رايكم


    تحضير الثريدة في قدر حطي كمية الثريدة لي راح تجمريها وزيديلها المرق حتان تتحطي ونقصي النار تكون هاااادية تغلي شوي ومتحركيهاش باش ماتفسدش حبتها ومتكونش مفتتة كي تتشرب الرقة شوي طفي عليها وحطيلها ملعقة مارغاريت خليها ترتاح 10د ومن بعد تقدري تقدميها





    هاهي ثريدة من المطبخ جزائري الجزائري نتمنى تكون عجبتكم




    كيفية صنع الثريدة في بيتك :

    الثريدة أمي لي خدمتها هاهي الوصفة (جزائرية)

    -- كيلو سميد رقيق
    -- ملح حسب الحاجة
    -- بيضة واحدة مخفوقة بالشوكة مع شويييي ماء باش ما تتكعبرش كي تخلطيها مع السميد
    ولمي بالماء حتان تكون عجينة طرية وكوريها كويرات وخليها ترتاح ســـــــــــــــاعة وغطيها بكيس بلاستيكي

    الان حضري النشا حلي بالمكينة اول خطوة حليها في 1 لثلاث مرات وحطي النشا شوي ماشي بزاف
    ثم في 3 واذا جاتك كبيرة بزاف قطعيها بالسكين
    ثم في 6 المكينة لي عندنا أخر رقم فيها 6 وحطيها فوق منشفة نطيفة وتكون كبيرة ومرشوش عليها شوي نشا وخليها تشيح شوي متخليهاش تشيييح بزاف وقطعيها بالسكين شرائط ماشي عريضة وحطيهم فوق بعضاهم ورشي النشا وزيدي قطعيها مربعات تكون صغيرة الان بعد ما تفور وتتجمر راح تكبار الحبة لذلك لازن تصغريها
    وخليها تشيح على مهاها كي تشزفيها شاحت خلاص وحركيها مرة على مرة بيديك باش تشيح كامل كيف كيف

    ان شاء الله نكون افدتكم






    ©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©


  2. #2
    Junior Member
    تاريخ التسجيل
    Jan 2016
    المشاركات
    2

    مشكورة حبيبتي على المجهود


  3. #3
    Junior Member
    تاريخ التسجيل
    Jan 2016
    المشاركات
    2

    مشكورررة على الوصفة المفصلة


المواضيع المتشابهه

  1. المشوك الجزائري بالخطوات المصورة من المطبخ جزائري الجزائري
    بواسطة said في المنتدى الحلويات الجزائرية
    مشاركات: 0
    آخر مشاركة: 11-02-2013, بتوقيت غرينيتش 02:36 PM
  2. سباغيتي جديدة من المطبخ جزائري الجزائري - مطبخ جزائري الاغواطيات-
    بواسطة romaissa في المنتدى قسم المعجنات و الأطباق الرئيسية
    مشاركات: 0
    آخر مشاركة: 11-02-2013, بتوقيت غرينيتش 07:34 AM
  3. الأرز المفور من المطبخ جزائري الجزائري وبالتفصيل ومن المطبخ جزائري الجزائري
    بواسطة said في المنتدى قسم المعجنات و الأطباق الرئيسية
    مشاركات: 0
    آخر مشاركة: 11-02-2013, بتوقيت غرينيتش 07:24 AM
  4. البوراك الجزائري بالصورمن المطبخ جزائري الجزائري
    بواسطة romaissa في المنتدى قسم المعجنات و الأطباق الرئيسية
    مشاركات: 0
    آخر مشاركة: 11-02-2013, بتوقيت غرينيتش 07:13 AM
  5. مشاركات: 0
    آخر مشاركة: 11-02-2013, بتوقيت غرينيتش 06:28 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •