مين أغلى عندك أخوكي و لا زوجك؟



السلام عليكم أخواتي كيف حالكم
رح أدخل في الموضوع فورا
لو زوجك و أخوكي بيشتغلو مع بعض في ورشة و متفقين أنو الأرباح بالنص و فجأة حسيتي زوجك بيعمل مؤامرات مع أخوانه بتتعلق بالشغل يعني بيتفق معاهم على شغل بينو و بينهم بدون ما يدخل أخوكي معه . شو لازم تعملي و مع مين بتوقفي لأن من جهة هو زوجك و بيشتغل مشان يحسن حياتكن و من جهة ثانية أخوكي و لازم تساعدي لحتى يأمن نفسو و مستقبلو و خصوصا انو انتو في غربة عن بلدكن
و الله محتارة و خايفة أدخل بشغلن و أنا ما صدقت علاقتي بزوجي تحسنت و صار وضع البيت مريح
بس خايفة كتير على خوي خايفة من بعد كل تعبو مع زوجي يروح زوجي و يطالعو برا
وما بعرف شو لازم أعمل
لأن مبارح شفت محادثة زوجي مع أخوه و شفت أنو عميتفقو ع شغل بيناتهم
اذا عندكم أي رأي يريحني أفيدوني
بصراحة أنا عندي أخوتي في رجال الدنيا كلهم و مصلحة أخوتي أهم عندي من مصلحتي و بنفس الوقت ما بدي أخرب علاقتي بزوجي وما بدي أعطي فرصة لأهلو يلي بدن بس تنخرب علاقتنا
أفيدوني برأيكم جزاكم الله كل خير


موضوع حصري لمنتديات شباب باتنة