إلى كل من تبحث عن الرشاقة



بسم الله الرحمن الرحيم ..
هل تبحثين عن الرشاقة ..تحلمين بوزن مثالي وقوام ممشوق ..إليك الحل الاسرع والاسهل رجيم الزعفران ..رجيم صيني ينزل وزنك20 كيلو في اسبوع ..وصفة سحرية من عشبة الزنجبيل ..خلطة سرية مع الخل ...إلخ ..............
بنات ليش لهادي الدرجة تجازفوا بحياتكم وتعرضوا صحتكم للخطر ؟
وليش تصدقوا كلام ينكتب زي الخواطر والقصص وتطبقوا وانتو عارفين انو غلط؟
مشكلة السمنة مشكلة لها سببين مو اكتر
السبب الأول يكون مرتبط بعامل جيني يعني اما وراثة او لخبطة هرمونات الغدة او بسبب دوا معين مثل الكورتزون ..
السبب التاني الاكثار من تناول الدهون والسكريات والنشويات وقلة الحركة ..
لو كانت سمنتك من السبب الاول راجعي طبيب مختص راح يفيدك اكتر من هادي الوصفات اللي اغلبها تضر وما تنفع خصوصا في العموامل الجينية والوراثية ..
ولو كانت سمنتك من السبب التاني اجلسي فكري مع نفسك الاعشاب والوصفات اللي بتستخدميها كيف بتخلصك من الوزن الزائدوفين علميا السمنة نتيجة سعرات حرارية زايدة عن حاجة الجسم تتحلل بالحركة والتمارين الرياضية في حال قلة الحركة تتخزن في مناطق معينة تحت الجلد مثل الارداف البطن محيط الخصر والافخاذ ..يعني لو اكلتي في الصبح سندوشتين وفي الظهر صحن رز ولحمة وفي العصر قطعة كيك وفي المغرب جلاكسي واتعشيتي بصحن مكرونة وقبل لا تنامي اشربي خل ولمن تصحي كاسة زنجبيل على الريق وبعد الغدا شاهي اخضر وهكذا ...قد ايش هادي الوصفة راح تخلصك من السعرات الحرارية وكيف ؟ اتوقع سؤال منطقي ...
يابنات والله شي ما يدخل العقل حتى لو ما كان اكلك زي وصفي انا اكيد مبالغة ولو اعتبرتي كلامي تافه وغلط .....ارجع لنفسك واحكمي على قرارك ......
وارجع واقرائي قصص لنساء استخدموا وصفات من النت وندموا ...الموضع جدا مهم وعلى قد اهميته على قد خطورتوا خصوصا للبنات والنساء ممكن تكون بتاخد وصفة تتوقع انو هيا كدة بتنزل وزنها وهيا يمكن بتكون تضر شي مرتبط بأمومتها او أنوثتها او مستقبلها الصحي وتدرك خطاء اختيارها لوصفات النت بعد ما افسدت شي مهم في حياتها كأمراء يمكن يكون اهم من وزنها وشكلها الخارجي دون التقليل من الامرين في الاهمية ..
اتمنى يكون الموضوع مهم عندكم زي ما هوا مهم عندي ...لأني فعلا انقهر لمن اسمع قصص من نساء وبنات قد يكونوا جامعيات ومتعلمات ومثقفات وتخجل من نفسها لمن تفتكر قد إيش أسأت لنفسها لمجرد إنها اخدت وصفات من النت لأشياء اغلبها خطاء وطبقتها بدون استشارة طبيب او مختص .. المشكلة انو اغلب وصفات الاعشاب تكون كمياتها كبيرة حتى لو كانت عشبة نعناع ولا يانسون ولا اي شي مفيد ..يكون مفيد عشان بنستخدموا بكميات معتدلة بس لو زادت الكمية راح يضر بكل تاكيد ..
اما انواع الرجيم المختلفة واللي اغلبها بدون استشارة طبيب او انواع الرجيم اللي تعتمد على نوع واحد من الفاكهة او الشوربة ممكن تفيدك وفي نفس الوقت تضر احد تاني لأن الرجيم الصحيح لازم يكون قبلوا الدكتور عمل فحوصات يقيس السكر والهيموجلوبين والضغط عشان لمن تستخدمي رجيم ما تتعرضي لرفع السكر للي عندها سكر مثلا او تتعرضي لدوخات اللي تكون نتيجة حرمان الجسم من العناصر المهمة وبتالي يصير فقر دم ودوخة وشعور بالدوار ..وهادي الفقرة بالذات تبعاتها كتيرة .
يابنات والله صحتكمااهم بكتير من انك تفكري تطبقي تجارب الاخرين عليهاوبعدين تكتشفي انك صح او ؟ ..
الموضوع من كتابتي وغير منقول واي وحدة حابه اساعدها في موضوع الرجيم تراسلني على الخاص ..مع تمنياتي بدوام الصحة للجميع .
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©