انتي نحيفه؟!تعالي اخيراً متنت ماشاء الله



السلام عليكم ورحمة الله وبركاته


عدت لكم ...

ندخل بالموضوع النحيفه تحلم انه تمتن والعكس كذلك صحيح

المهم ان كنت نحيفه بالمتوسط والثانوي
تخيلو وزني كان بالمتوسط 37

بس تحسن وزني بالجامعه ويمكن وصل ل50
ومع ذلك البعض يقولي نحيفه ...الخ وانا اتضايق مع اني كنت آكل
بس شكله يروح مع المجهود وينزل وزني

خلصت دراستي وبديت الف في منتداكم ومنتدياات الثانيه وبديت اتعلم اشياء واشياء
وكنت احلم يزيد وزني وقريت عن الحلبه وقريت عنها مع ان وحده شككتني بها بس ماطعتها
وقمت استخدمها بس ايقنت بنفسي
اني راح ازود وزني واذا ماصار مو نهاية العالم


تخيلو غبت ثلاث اسابيع عن المناسبات
وبعدين طلعت
والله تخيلو لما شافتني بنت اخوي قالت لي غبت عنك اسبوعين وش سويتي بنفسك حتى متنتي

وحتى صديقتي شافتني وقالت متنتي الكل تقريبا

حتى وجهي

بس اللي مو حلو امي واخوي يخاصموني يشوفوني آكل كثير و يقولو لي لو توسعت المعدة ماتقدري تتحكمي بنفسك لأن اخوي كان متين بس نحف ومو راضي يبي ينحف زيادة قولو ماشاء الله

بس زعلانه لأن بعض يقولو ملامحك قبل احلى لما كنتي نحيفه
ومع كذا ابي ازيد زيادة ومو هامني بس العروق حمراء من عند الارداف بينت يمكن دوالي بس مدري اذا عندكم حل قولو لي ؟؟


المهم بالاختصار اللي زود وزني
قولو
ماشاء الله تبارك الله
) الحلبه اطبخها على سكر ومويه حتى تغلي وبعدين احطها على حليب سائل واشرب كوب الصباح وكوب المساء

+ تمارين عذاري للارداف + الاكل الوجبات ثلاث مع اكل وعصاير بين الوجبااات
ملاحظة : احس الحلبه تفتح شهيتي للأكل زيادة

+ يمكن حبوب القِد)

حابه انبه # حتى ماحد يدعي علي بعدين
ويمكن هالشيء ناسبني يمكن غيري لا

لاتنسوني من الردود والتقييم ودعواتكم..


ودي لكم...
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©