❀..لتبييض اليدين وتنفيخها (( من تجربتي )) بالصور..❀



بسم الله الرحمن الرحيم


كيفكم عضوات عروس الغاليات


حبيت أنزل تجربتي في تبييض يديني اللي بجد أبهرتني
لدرجة أني مره كنت أستهبل على وحده من صديقاتي وانا لابسه العبايه ومتغطيه ما عرفتني ولما علمتها اني أنا قالت ما شاء الله يدينك مره بيضاء
والكل يقولي يديني مره فتحت
ما أطول عليكم


أسئلة ممكن تسألونها :


مدة إستعمالي لها : شهر ونص
ظهور النتايج : بعد اسبوعين تقريبا
كم مره باليوم : اقلها مرتين واكثرها اربع مرات
رجعت يديني لسوادها بعد ما وقفت : أبداً لي فتره ما استخدمتها وما رجعت أبدا لسوادها يعني مضمووونه
الخلطه سهله جداً وكل ما تمرين من جنبها حطيها ما راح تخسرين شئ


المقادير :
علبه جلسوليد
علبه جلسرين

علبه كبيره فازلين اليدين
نصف ليمونه (( مهم ))

ملعقه صغيره فكس


ملعقه كبيره زيت جنين القمح



تخلطينها مع بعض وتحطينها بعلبة فازلين اليد الكبيره وكل ما تآخذين منها تحطي بيد ليمون غير الليمون اللي بالكريم وباليد الثانيه الكريم وتخلطينها مع بعض


تقدرين تتخلين عن الليمون بس النتايج تكون أسرع بوجوده


فوائد كل منهم :


الجلسوليد : يبيض ويقشر وينعم ..
الجلسرين : يفتح ويعتبر ملين ..
الليمون : يزيل بقع البشره ومضاد للتجاعيد ويذيب الخلايا الميته ويفتح البشره ويخلص البشره من السموم ..
الفكس : ينفخ ويصفي البشره ويبيض وينعم ..
زيت جنين القمح : يطلق عليه زيت الحياه يبيض وينفخ اليدين ومضاد للتجاعيد.



نسيت اقولكم كل اسبوع قشري يدينك بسكر وليمون بتحسين بعدها علطول بنعومه وتفتيح
مررره بالاسبوع فقط ..


الموضوع من تجربتي ومجهودي الخاص
أن شاء الله أكون أفدتكم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©