وزني يرتفع بشكل مو طبيعي , الله يوفق اللي بتدخل وتساعدني



السلام عليكم للجميع
ياناس انا مندمره نفسيتي اليوم يوم صحيت من النوم وقبل لا آكل شفت وزني
انصدمت لدرجه حسيت ان الميزآن خربان وجربت الثآني !
تتخيلون أني سمن 7 كيلو بآقل من شهر !!!
وقبلهآ بفتره انا كنت مسويه رجيم ويمكن نقصت 3 كيلو وفكيت الرجيم واكلت اكلت بس اليوم ماتوقعتها 7 كيلو
انا مصدومه مره من نفسي حتى ملابسي ضاقت علي , ويوم اشتري شي من السوق واخذ مقآسي اللي دايم البسه اجي البيت اشوفه يكون ضيق
واضطر ارجعه واخذ اكبر بس مو الحل ,واحيانا ما القى اكبر وانحرم من اللبس الللي عاجبني
تتخيلون ان جسمي يسمن بطريقه فضيعه , اصلاً قبل لا اسمن هالسبعه كيلو كنت اقل بعشره كيلو وخلال 3 شهور سمنت 10 كيلو
مدري وش صاير لي مو من كثر ذا الاكل شي غير طبيعي بدال ما انحف سمنت بشكل فضيع حتى بطني احس كبرآن بزياده
انتوا حاسين بمعاناتي كيف وهذا انا مابعد تزوجت ولا جبت عيال توني صغيره في مقتبل العمر
هل هو لاني اسوي رجيم وافك اسوي رجيم وافك يسمن كثير كذذا فجآه ؟
لاني هالفتره اسوي وافك كثير , ولا وش بالضبط
ولما اسوي رجيم بالموت تنحرق الدهون وبالموت انحف الكيلو
جسمي صعب وما انحف بسرعه بس اسمن بغمضه عين , ياناس ساعدوني شكلي طلع بشع دمرت نفسي
الله يوفق اللي بتساعدني ويرزقها بالزوج الصالح والذريه الصالحه ويجعلها اسعد خلقه يارب يآكريم
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©