لجمالك سيدتي ........... تفضلي سيدتي



السلام عليكم ورحمة الله وبركاته
من منا لايريد الجمال ويسعى لذلك طبعا الكل وانا منكم بس لفت انتباهي موضوع احزني كثير بنات تعرفون ان الشي لازاد عن حده انقلب ضده موضوعي اليوم اللي بتكلم عنه واعذروني على صراحتي هو عن المنطقه الحساسه يابنات الموضوع صار مبالغ فيه بشكل يخرع لدرجة احس ان الحياه الزوجيه صارت مبنيه على هالمنطقه خصوصا لونها ليش هل هذا ماوصانا به الاسلام هل هذا هو حق الرجل على المراءه يابنات الموضوع صار خطير البنات صاروا يرفضون الزواج بسبب هالمنطقه والمنتديات صارت المنطقه محور حديثها خصوصا المنتديات المختلطه مو حرام يوصل فينا الحال لكذا والله الرجاجيل قبل مايطالعون في الامور ذي ولاتهمهم قد مايهمهم اخلاق الزوجه وعفافها وحتى الان مااظلم الكل والله الاسلام قال اظفر بذات الدين تربت يداك والله الرجال لو يشوف اخلاقك مو حلوه لو تملكين جمال العالم ماعبرك وحتى لويشوف منك خيانه والله ماتسوين الجزمه الله يعزكم اللي يلبسها ليش الحرمه نزلت مستواها لهدرجه يابنات اصحوا معقوله الرجال صار هدفنا بالحياه لدرجة غيرنا خلقة الله علشانه شوفوا اللي تقول زوجي يقول صدري صغير ولا مالي ..... ولا لوني .... ولا حواجبي ولا بسوي عمليه علشان زوجي يبني كذا احمدوا ربكم على النعمه والله لاصار لك شي رماك وراح يدور على غيرك هل هذي الحياه الزوجيه اللي تكلم عنها الدين انا ماقول للنساء لاتزينون بالعكس ولا انا ضد الجمال لا والله الرجال يبي منك الرائحه الجميله والنظافه الشخصيه والابتسامه والذريه والاخلاق العاليه وحفظه بحضوره وغيابه والله يابنات اني دخلت منتدى مختلط وحسافه اشوف النقاش بين الشباب المتزوج والغير متزوج مع النساء عن هذه المنطقه هل وصل بنا الحال لهدرجه ولا صار لنا هم الا هالمنطقه ولا ياليت صار الوضع على كذا بس صاروا البنات يطالعون في شي ماله اي علاقه بالحياه الزوجيه كبر المنطقه وصغرها حتى من الداخل ليش صرنا كذا ونلفت انتباه الرجال لكذا حرام والله حرام البنات صارت الوحده اول ماتنخطب تحسب الف حساب للمنطقه ذي والرجال صاروا يهتمون بلون هالمنطقه بسببنا وكلامنا عنها بالشكل المبالغ فيه المواضيع بالمنتديات اغلب الحديث عنها ليش بنات تكفون نبي وقفه صارمه شوي مو لهدرجه ننزل للمستوى هذا واسمحوا لي على هالكلام الرجال اللي همه المنطقه ذي مو رجال صراحه لان الرجال اللي اخلاقه عاليه يترفع عن كذا والله صرت انا وانا بنت استحي من المواضيع ذي كيف باللي يقراها من الرجال يمكن اكون قسيت بالكلام بس والله انقهرت احس هالنت غير معاني كثير للحياه الزوجيه والمسلسلات والبلاوي حسبي الله ونعم الوكيل انا ماقول لاتسألين بشي يخصك بس السؤال المفروض بالمكان المناسب وبشكل واسلوب ذوق ومناسب يعني مو تروحين مكان كله شباب ورجال وتتكلمين عن المنطقه وين احنا فيه لهدرجه البنت انعدم عندها الحياء وصارت تكتب كلام يكتب في صحيفتها وتفكر ان ماحد يعرفها ربك يعرفك وكل شي انتي محاسبه عليه اصحوا ترى احنا باخر الزمن اصحوا لان فعلنا اهملنا اشياء كثيره اهم من السوالف ذي اهتمي بعيالك وصحتهم وبزوجك من النواحي اللي يحبها الله ورسوله وترضيهم حفظي عيالك القران واشغلي نفسك بحدود الحلال وابعدي عن الجمال المزيف واهمتي بجمال الروح والاخلاق واحترمي نفسك يحترمك زوجك وحبي نفسك يحبك الناس وحبي جمالك يظهر باحلى صوره وابعدي عن التفكر بالعيوب لان مافيه انسان كامل واظهري احلى معالم جمالك تاسرين قلب زوجك وخليك ورده تبث العبير وين ماتروح ولايظهر منها الا جمالها فقط وترتاحين وترى لاني احبكم وانتوا خواتي في الله ولاارضى على نفسي ولا عليكم نظهر بصوره بشعه ويقلبها الرجال كما يشاءون فنحن مسافرون في هذه الدنيا نحصد ونجي غدا اسفه على الاطاله وجزاكم الله خير
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©