جننونييييييييييييي , حاسة حالي حقل تجارب!!



مرحبا كيفكون
أنا صرلي سنة ونصف متزوجة
رحت بعد 8 شهور زواج "كان ألي 4 شهور تاركة حالي لأني أول شي أجلت طبيعي"
أول دكتورة شافتلي الإباضة قالتلي ممتازة , وطلبت تحاليل للزوج , وطلعت تحاليل زوجي ممتازة , تاني مرة رحت لعندها قالتلي إباضتك منيحة بس وصفتلي كلوميد !!
أخدت الكلوميد على شهرين وأنا مو متطمنة لأنو حسيت أني مو بحاجتو
المهم ما صار حمل
من 3 شهور رحت عند دكتورة تانية , عملتلي إيكو مهبلي وقالتلي أنو في عندي مبيض متعدد الكيسات عالأيمن بس الأيسر سليم "علماً أنو وزني 45 كيلو ونحيفة جداً وما في شعر زائد بجسمي ودورتي منتظمة" وهيي عملتلي الإيكو بعد الطهر بيوم واحد
المهم قالتلي أنو هاد BCO مبيض متعدد الكيسات وليست جريبات إباضة
وطلبت تحاليل FSH , TSH , LH وطلعت طبيعية والحمدلله
ووصفتلي سلوفاج مشان ال BCO
وهاد الدوا بالأساس بنحف وكتير نحفني وبطلت آكل وصار وزني 40 كيلو !!
من فترة عصرت صدري بالصدفة لقيت حليب لونو مو أبيض , يعني تقريباً أصفر أو شفاف
كنت مفكرة من ضمن هي التحاليل في تحليل برولاكتين , بس لما بحثت بالنت استنتجت أنو ما بتدل عالبرولاكتين
رحت عند دكتورة ثالثة , قالتلي لا مستحيل يكون في عندك BCO لأنو وزنك مو زائد والـ FSH عندك طبيعي , خففي السلوفاج , ولما قلتلها عالبرولاكتين قالتلي لا مستحيل لأنو عندك إباضة مبكرة ودورتك منتظمة
المهم عصرت صدري وطلع حليب قامت استغربت كتير بس وصفتلي Dostinex أخدت منو حبتين خلال أسبوع ووقف الحليب.
في دكتور نسائية بعرفو وبقولوا شاطر "بس زوجي ما بيرضى روح عند دكتور" اتصلت فيه تلفون وشرحتلو وضعي , قلي مو ضروري إذا في حليب يكون البرولاكتين مرتفع , وتشخيص الـ BCO مو هيك بكون , وتشخيص الحليب مو هيك بكون , وقفي كل الأدوية ولا تخبصي بحالك وتعي لعندي لأفحصك. بس زوجي ما بيقبل طبعاً
كل دكتور عم يقلي شي
روح عند دكتورة خامسة؟؟؟؟؟؟؟
ولا شو ساوي؟
مزبوط إذا في حليب بالصدر مو شرط يكون البرولاكتين مرتفع؟
ومزبوط إذا في برولاكتين بالإباضة لازم تكون متأخرة وأنا عندي الإباضة مبكرة؟
ومزبوط إذا في BCO يترافق مع باقي الأعراض ويظهر عالتحليل؟
رح جن مشان الله كأنو كل دكتور متعلم بكوكب مختلف عن الآخر يا جماعة!!!!!
موضوع مقدم من منتديات ديزاد (منتدى الحصريات)


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©