قبل اتخذ قراري يمكن عندكم حل



حبايبي واخواتي الغاليات صدقوني ماطرحت هذا الموضوع الا من ثقتي فالله ثم فيكم واقول عسى القى عندكم حل قبل اتخذ قراري الاخير قصتي يابنات ومعاناتي بدت من قبل اربع سنوات ومن اول دوره جاتني بعد الزواج هاذيك اللحظه اللي مستحيل انساها اول ماعرف زوجي انها جاتني الدوره بانت الصدمه على وجهه ولو انه مابين لي لكن لاحظت في سؤاله ومن حينها وانا كل دوره جديده اعاني معها وبكى وضيقه وحاله الله لايوريكم و اخواتي ثنتين اتزوجو بعدي واخوي وكلهم ماشاء الله خلفوا المهم يابنات استخدمت منشطات مدة سنه كامله عند دكتور شاطر وكان كل مره يبشرني بحملي بتوام لاكن الله ماراد وبرضه صلحت تلقيح صناعي وبرضه فشل ورحت حريم كثار ومشايخ واغلبهم قال مس عاشق والحمد لله مستمره ع الرقيه من سنه وسورة البقره والحين رجعت للمنشطات ولاكن بلا فايده مع العلم ان عندي تكيس وكسل في الغده الدرقيه وارتفاع بسيط في هرمون الحليب مسببه لي ضعف في التبويض ولاكن مع الادويه ماشيه وزوجي سوى تحاليل وسليم ما شاء الله والحين يابنات افكر في حريم يكوون لعل وعسى لان فيه حريم بعد الكوي حملو باذن الله فياليت اذا تعرفو احد في الجنوب تقولولي عنها واكون شاكره لكم لاني اذا ماحصلت راح اسوي طفل انبوب ويارب ما احتاجه فتكفون لاتبخلون علي فديتكم



موضوع حصري لمنتديات شباب باتنة