السلام عليكم أخواتي راني ننقص في الميزان بلا ماراني نتبع في نظام غذائي كي نوض صباح نشرب كاس كبير اتاي(يكون صابح أو نشرب les sachets لي يتباعو) ماشي شرط يكون جديد نخلطو مع عصير نص حبة قارص ومغرف زريعة الكتان وبعدها بنص ساعة نشرب قهوتي(ما نصبرش على قهوة حليب) بصح نحيت الخبز مع الأكل وإذا ماتصبروش على الخبز عوضوه بخبز الشعير إذا حبيتو صح تنقصو في الميزان العشاء يكون غير فاكهة أو شلاظة ورق فيها زرودية وخيار وطماطم خاصة إذا قطعتولها كرافس راهو مليح بزاف لإنقاص الوزن.. و آخر حاجة اشربي كاس مرمرية وإذا لم يتوفر اشربي كاس اتاي فيه مغرف قرفة وشوية زنجبيل.. انشاء الله نكون افدتكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©