السلام عليكم و رحمة الله و بركاته
سمحولي علي ما شبحتش الكتبة و الله غير الميكرو تخسر
كما وعدت طلاب 2 من التعليم الثانوي في موضوع سابق بشأن موسوعة النصائح
المشوار اللي راكم رايحين تجوزوه معايا مهوش طويل لكن ساعطيكم نصائحا اذا عملت بها
اقسم لك بالله العلي العظيم انك ستنال ما يرضيك في اخر المطاف و انا متاكد
انا اليوم اقف بينكم بمثابة المعلم و الخبير
كما تعلمون و بدون نقاش و اسأل اي واحد جوز الباك
يقولك يجب التحضير النفسي قبل التحضير الدراسي
اذن انا نبدالكم بالتحضير النفسي في هذا الموضوع
و التحضير الدراسي سيكون مطول و سيشمل كل الجوانب كالحفظ
قبل ان نبدا على بركة الله
راكم رايحين تخدموا بمبادئ يجب ان تؤمنوا بها و ترددوها كل يوم
دخلها في راسك باي طريقة المهم كي تكون تقرى و لا تجوز في الباك
لازم عليك تتفكر بلي خدمت بهذو المبادئ و هنا و الله غير تتغلب على اي عقبة
انا العام هذا خدمت بهذوا المبادئ لكن لم اكن مقتنع بها
و كي جا الباك راحولي بزاف اسئلة بسيطة بسبب الارتباك و كنت قادر نوصل لل 18 هذا العام
المهم اني ناكد و نعاود لازم كي تقرى هذو المبادئ اكتبها على ورقة و اعمل بها و امن بها
مبدا لكل مجتهد نصيب يعني انك تحصد ثمار ما زرعت و لو كانت غير مرضية
يعني زعما انت قريت باش تدي 20 في العلوم و قريتلها من نيتك
لكن كي جا الموضوع و شفت بلي محال تدي 20 و لكن تذكر بانك ستاخذ بقدر ما زرعت يعني مثالا تدي 17 او 16 لكن هذي نتيجة مرضية في موضوع صعب
Don’t try to be perfect because you’ll never be perfect
يعني لا تحاول ان تكون كاملا لان الانسان دوما ناقص و ستكتشف هذا في وقت لا ينفعك فيه الندم
مثال عن المبدا الاول و الثاني
نعرف وحدة جات الاولى في البيام الله يبارك
وصلت للباك المعدلات اللي كانت تجيبهم غير 16 و 17 و هذوا في عام 2000 اعتقد
كانت و بكل صراحة تحوس تجيب الباك بمعدل 18 امالا خدمتلوا و قراتلوا و لكن
كي جات تجوز الباك صابتوا صعيب بالنسبة للمعدل لي حباتوا و هنا تركب فيها الخوف من انها لن تنال ما ارادته
و راحولها اسئلة بزاف امالا ما جابت ال18 ما جابت معدل شباب لي يكون شرف تديه في هذاك الوقت
رد بالك تدير روحك انت كامل و لا تتكبر على الناس و الله غير راك تندم
ضع ثقتك بالله و بنفسك و امن بقدراتك و اعمل على تجسيدها
لأنك انت اعظم مخلوقات الله لك قدرات كبيرة و ارادة تستطيع بها الوصول الى ما اردت
هناك اوقات تصاب فيها بالاحباط و يطيح فيها المورال
هذا عادي كل انسان تصرالوا
لكن الاختلاف بين الناجح و الفاشل في طريقة التعامل مع هذه الاوقات
فمثلا انا كنت دايما نصلي ثم نروح نسمع قران او
احمد ربي على كل حال و اتوكل عليه كل يوم قبل ما تخدم
و الله ما علابالي اذا كفيت و وفيت راني نسيت بزاف حوايج لكن من جانب التحضير الدراسي
نعطيكم واش تستحقوا ان شاء الله
حقا عندي سلاسل رائعة في المادة الرياضيات علوم و مادة العلوم الفيزيائية و التكنولوجية و ملخص شاملات اذا حبيتو نحطهمو
ما تنساوش راني ناكد و نعاود الله يحفظكم دخلوا هذوا المبادئ في راسكم
و راني رايح نتبعكم هذا العام و ان شاء الله توصلوا كامل للمبتغي
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
