السلام عليكم ورحمة الله تعالى وبركاته

اود ان احيي الجميع من وقف معي من اول موضوع وضعته بخصوص الاشتقاق في المادة الرياضيات صح تعلمتو هنا الى اخر درس في العلوم نضن

وبارك الله في كل من كان في عوني

الحمد الله اخيرا و انا اول واحد بالعائلة الكبيرة حتى ولاد عمي وخوالي الله غالب

واحد ماقرا وانا حطمت الرقم القياسي و تحصلت على الشهادة بكالوريا BAC بـــ11.89

فرع علوم تجربية

والحمد كله لله تعالى

وحتى جيراني الله غالب اللي فات وادى الباك راهو في فرنسا

اليوم راني محتاج استشارة اليكم وين نسجل

الحمد الله جميع المواد اديت فيهم فوق المعدل من الاول اللي الاخير

حتى الفلسفة تحصلت على 11.5 و الباقي كلهم فوق المعدل

عندي المادة العلوم الفيزيائية و التكنولوجية 10

مادة الرياضيات 13.5

والعلوم 10 وراني شاك بلي مصحوش العلوم مليح خاطرش حسيت بلي خدمت مليح و ندي فوق ال14

معليش المهم نجحت

والان راني حاب ندير حاجة انفورماتيك

في باب الزوار ولا تيكلومنيكاسيو في بومرادس

ولا انتارن في كاش ولاية

المهم انتوما بواش تنصحوني

باش ندير حاجة ناكل بيها الخبر ونوكل العايلة ولانروح للطرونجي

وبارك الله فيكم

وسلام




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©