السلام عليكم راني جبتلكم قنادر 2014ي الي نروح فيهم للمناسبات السعيدة اعطيوني رايكم بارك الله فيكم
هذي القندورة 2014 الي خيطتها مع اختي السطايفية الله يبارك فيها مخيطة في قماش الكوبرا
وهذي في ابيزو ديقرادي وركبتلها ليبياس نتاع كروشي 2014
وهذي عباية الفراشة الي نلبسها كيما نخرج للعرس هههه
وهذي قندورة 2014 زي الشامسة بصح قماشها يتباع هكذا مطروز يعني الخياطة فصلتها وخيطتها وطرزتلها الصدر بالرشمة نتاع الذفارة وخرجت روووعة
بنوار سطايفي نتاع جهازي
قندورتي نتاع العيد الكبير الي فات ربي يلحقنا للي جاي بالخير والعافية والقلوب الصافية
هذي مخيطة في البيزو بيزو فورم سوتيان والظهر بابيونة كبير وجاي تحفة
هذي قندورة 2014 القطة تاني جاية روعة انا نموت عليها
هذي قندورة 2014 البابيونة عندها بابيونة على الجنب وعلى ليمونش
واخيرا هذي راني خيطتها وما لبستهاش ما عجبتنيش كيما تتلبس تجي كيما القفطان 2014 قولولي واش نزيدلها باش تجي باهية شوية راهم جاييني غير لعراس
حباباتي راني نستنى الردود ما تبخلونيييييييش