لوووووووووووووووووووووووي كاشما خالولنا الدالة يا بن عمي كلش دايرينوا هبال حتى كي نحبوا نعاندوا مطحلناش الدالة مالف كي حوست على معجون الاجاص ملقيتوش في المنتدى هيا قلت كان صلحلي نحطوا لي ترجعلى و تقلي كاين في المنتدى نقتلها ههههههههههه

هيا نبداو بسم الله

اولا تقشري الاجاص انا درت 3 كيلوا اجاص و تنحيلهم القلب تاعم و طول تحطيهم في ماء بارد فيه عير القارص باهميكحالش


و كي تكملي تقطعيه قطع صغير حسب الحجم لي حباتوا نتي انا درت الحجم هادا



بعد تغسليه من هداك الماء والقارص و تحطيلوا 4 كيسان حجم كبير ماء فقط و تحطيه يطيب نصف طياب يعني ميتهراش خلاص


وكي يطيب نصف طياب تضيفيلوا عود قرفة و كيلوا و 700غرام سكرا في 3 كيلوا شوفي باه متتقلقيش كامل معندناش ميزان

كيلوا سكر فرغيه كامل و الكيلوا التاني ياخي يجي في صاشي فرغي و خلي ربع السكر في الصاشي

و من بعد تنقصي عليه النار و تخليه يخثار بعقلوا


و كي يخثار اعصري حبة ليمون و ضيفيها خليه يغلي غلوتين 3 و طفي النار و البهنا والشفاء

و لي ماهيش مالفة الدير المعجون و تخافي يجيك خفيف كي تهزي السائل في مغرف راهوا ميجيش سايل يجي عاقد

و هاو ليكم النتيجة النهائية والحمد لله منعت من المبيت في العراء لاني غامرت و درتووا من راسي حسب معرفتي

جربيه راهوا يجي يهبل




لبنات الصور صورتهم في الكوزينة الاضاءة تعبانة هاو ليكم لون المعجون كيفاش جا ماهوش بني غامق كيما باين في الصورة






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©