في الاول حطيت حبة قاطو تانغو ويلا ماعندكش موش شرط
وطبقة الشيكولا :
1 لتر حليب + 3 مغارف نشاء + 6 مغارف سكر + 2 مغارف كاكاو + فاني حطيهم في كاسرول على النار وابقاي خلطي حتى تخثر ومن باعد زيديلها باطة شيكولا اي نوع انا درت منى وزيدي خلطي بلا ماترجعيها للنار حتى ادوب الشيكولا

 ومن باعد فرغيها في الاواني لي رايحة ديري فيهم وماتملايهمش خلي بلاصة للخرين وحطي تجمد شوية مابين ماتوجدي الكريمات لخرا

طبقة لفريز :

نص لتر حليب + صاشي كريم ديسار تاع فراز + 3 مغارف سكر وتخلطيهم على النار حتى تخثر وتروحي تخرجي الاواني تاوعك تلقاي طبقة الشيكولا جمدت حطي هادي فوقها وعاودي رديها تجمد باه تزيدي ديري الطبقة الاخيرة
 الكريم ديسار كيما هادي vanoise fraise


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

طبقة البنان : نفس طبقة الفريز لكن نديرو كرام ديسار بنان ونجبدو الاواني ونزيدو هادي من الفوق وتولي الطبقة ال 4

التزيين : 50غ كريمة شانتيي+ نص كاس حليب بارد + مغرفة سكر رطب + شوية فاني
 اضربي ملييييييييييييح بالباتور من باعد قسميها على 3 ولوني بالمولن الاحمر والاصفر وخلي الابيض وزيني كيما انا ولا كيما تحبي وكي تخلصي ويبقالك الفراغ من الوسط ديري

معجون " كونفتير" + ملون احمر + ماء زهر وجريه مليح وفرغيه في الوسط وزيني بالكوكاو المرحي

وهادي النتييييييييييييييجة






 ماتقولوش تدي الوقت والله ليه ليه تخلصيها
وفي الاخير نقولكم نجربوها ماتندموش و
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©