السلام عليكم نقدملكم كرام ديسار روعة خير حتى من اللي تتباع ومليح شوية التنويع في شهر رمضان جربوها رح تعجبكم بزاف بزاف بزاف على ضمانتي وزيد ساهلة وغير مكلفة
المقادير
2 علب شكولامنى سوداء او بالحليب حسب دوقكم انا نحبهم في زوج
3 ملاعق كبار مليانين مايزينة واللي تحبو خاثر وثقيل تعمل 4 ملاعق
4ملاعق كبار سكر وممكن تنقصي او تزيدي حسب الرغبة
1لتر حليب كونديا وادا تستعملي نتاع الساشي زيدي معاه 2 ملاعق كبيرة حليب غبرة او لحضة
التحضير
في كاسرونة حطي نف كمية الحليب مع السكر على النار حتى الغليان نحيها وزيديلها الشكولا مع الخلط حتى تدوب تماما في هدا الوقت حلي المايزينة في نصف كمية الحليب البارد اللي تبقى وكي تتحل مليح زيديها لخليط الشكولا ردي الكل للنارتكون من التعليم المتوسطة مع الخلط المستمر حتى تغلي وتثقال في يدك فرغيها في لي كوب او لي رامكان وزينيها حسب الرغبة
انا زينتها ببيستاش مرحي وجوز وحبيبات الشكولا- بيبيت دو شوكولا-
جربوها وقولولي راهي اكثر من رائعة وتحمر الوجه في السهرات والعرضات
نخليكم مع الصور للتوضيح اكثر











































©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©