السلام عليكم ورحمة الله وبركاته
اليوم نقدملكم هذه التحلية اللذيذة اتمنى تجربوها

اولا نحضر كيكة سويسرول عادية مقاديرها
4بيضات نصف كاس سكر كاس الا اصبع من الفرينة والنشاء مخلوطين +اربع ملاعق زيت وفاني وملعقة صغير خميرة كيميائية
نخفق البياض مع نص كمية السكر والصفار مع النصف الاخر للسكر ثم نضيف الزيت ونواصل الخفق بشدة حتى يصبح الخليط مثل المايونيز
نمزج الخليطين الصفار والبياض ونضيف الفرينة والنشاء والخميرة على ذفعتين بعد ما ننخلهم نقسم الخليط على اثنين نلون احدهما باللون الوردي



نجيب الصينية ندهنها بالمرغرين ونرش عليها الفرينة 31 على 34 سم

نحتاج ورق مقوى طوله هو عرض الصينية نطويه على اثنين ونقسم بيه طول الصينية



نفرغ الخليطين كل جزء وحده



ثم ننزع الورق والى الفرن



انا حمرتها بزاااف



نقسمها هكذا على اربع نضعهم فوق بعض ونقسمهم 9 مثلثات نتحصل على 36 مثلث وانا عندي ست قوالب كل قالب نحط فيه 6 مثلثات



نجيب القوالب وسكر قلاسي ونرص المثلثات بعد مانحطها في السكر باه ما تلصقش ويسهل قلبها ونحط واحدة بيضاء واخرى وردية بالتناوب



نحضر الحشو

نقطع الفرولة اجزاء شرائح للتزيين وقطع صغيرة للحشو



نحضر فلان الفراز بوضع 5 كؤوس من فانتا فراز + سكر حسب الرغبة + كيس فلان نوارة ذوق فراز
5 ملاعق نشاء الكل على نار هادئة حتى يعقد



ثم نضيف الفراز



نصب المزيج في القوالب



نقطع القطع الخارجة ونحطها فوق الفلان هكذا



الى الثلاجة حتى تبرد تماما ثم نقلبها




نزينها بالكريم شانتيي وانصاف الفراز








وشهية طيبة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©