الخطرة هاذي كان عيد ميلادي و حبيت ندير حاجة مختلفة عن الكيكة الاسفنجية
حوست شوية في النت و جبتلكم ميل فاي روعة.و الصورة راهي تهدرظ…ظ„ظپ ظ…ط±ظپظ‚ 46876.اولا رايحين نديرو العجينة المورقة و مقاديرها هي
500غ فرينة.شوية ملح.200غ ماء.250غ زبدة التوريق انا استعملت زبدة صالحة.ظ…ظ„ظپ ظ…ط±ظپظ‚ 46877
التوريق رايح يكون على ثلاث مراحل
المرحلة الاولى نخلط المقادير السابقة biensur بلا زبدة التوريق نتحصل على عجينة طرية كيما هادي ظ…ظ„ظپ ظ…ط±ظپظ‚ 46878
نقصوها بالموس على شكل اشارة la croix
و نغلفوها بالبلاستيك الغذائي و نحطوها في الثلاجة نص ساعة على الاقل.
بعدما ما نخرجوها نبسطوها على الجهات الاربع مع ترك الوسط عالي شوية حتى لما نحطو عليه الزبدة يتحملها .ظ…ظ„ظپ ظ…ط±ظپظ‚ 46879
نحطو الزبدة فوق الوسط العالي و بعده نطبقو الجهة السفللى تاع العجينة و نضربها بالحلال لتوزيع الزبدة ظ…ظ„ظپ ظ…ط±ظپظ‚ 46880
بلاما تخرجنا الزبدة من الجوانبظ…ظ„ظپ ظ…ط±ظپظ‚ 46881 ونكمل الجهات العلوية و من بعد اليمنى و اخيرا اليسرى.
نسبطو العجينة طوليا ومن بعد نطبقوها على 3 نبداو نطبقة جهة اليمين ثم اليساركما في الصورةظ…ظ„ظپ ظ…ط±ظپظ‚ 46882.
نحاولو نحطو الحواشي مع بعضها باش الطبقات يكونو نفسهم على كل العجينةظ…ظ„ظپ ظ…ط±ظپظ‚ 46883.
مرة اخرى نسبط العجينة طوليا و نطوي كيما الخطرة الاولى و نضغط عليها باصبعين و نحطها في الثلاجة مدة نص ساعة .نضغط عليه باصبعين باش لما نجبدها من الثلاجة نعرف شحال من مرة سبطتها و طبقتهاظ…ظ„ظپ ظ…ط±ظپظ‚ 46884.
نخرجها من الثلاجة و نعاود نفس الخطوات السابقة .لما نخلص نطبع عليها 4 اصابع باش نعرف بلي خدمتها 4 مرات.ظ…ظ„ظپ ظ…ط±ظپظ‚ 46885.
نحطها في الثلاجة مدة نص ساعة و هاذي اخر مرة.
نخرجها و نحلها بالحلال و نطبقها بنفس الطريقة السابقة لمرتين و اطبع فيها 6 اصابع.ظ…ظ„ظپ ظ…ط±ظپظ‚ 46886.
وهكذا راهي جاهزة.
طبقت هاذ الخطوات و الله جات تحفة و الطبقات لي فيها واضحة .
دوكا نجيو ل الميل فاي اول شيء على سطح مرشوش خفيف بالفرينة نسبط العجينة المورقة ظ…ظ„ظپ ظ…ط±ظپظ‚ 46887بسمك 2 ملم نثقبوها مليح كي شغل سيار باش ما تتنفخش بزافظ…ظ„ظپ ظ…ط±ظپظ‚ 46888.
نحطوفوقها وتحتها ورق الزبدة باش ماتنحرقش و تكتسب لون الكراميل بعقلها.في نص الطياب نحطو عليها سنيوة تكون خفيفة مدة 1 دقيقة باش نحافظو عللى السمك لانه مع الحرارة تنفتح الطبقات تاع العجينة .
الطياب يدي تقريبا 20 دقيقة و يكون على نار من التعليم المتوسطة.و النتيجة هكذاظ…ظ„ظپ ظ…ط±ظپظ‚ 46889
ملاحظة.رايحين نخدموا 3 طبقات تاع العجينة باش نحطوا بيناتهم الكريمة.
الكريمة
المقادير ملعقة كبيرة نشاء.115غ سكر بودرة.2 ملاعق كبار فرينة.4 بيضات.240ملل حليب.2ملاعق صغيرة فانيليا.ملعقة صغيرة نيسكافيه.
تحضير الكريمة
نخلط النشاء +الفرينة+السسكر في كاسرونة و نضيف الحليب و البيض المخفوق مليح و نحطوها على نار قليلة و نحرك باستمرار الى غاية نحصل على قوام كريمي.ظ…ظ„ظپ ظ…ط±ظپظ‚ 46893
نقسم الكريمة الناتجة الى قسمين الاول نضيف له الفانيلا و الثاني نضيف له نيسكافيه مذوبة في شوية حليب.
تحضير الميل فاي
نحطو طبقة تاع العجينة ثم كريمة القهوةmf2-copy.jpgو بعدها طبقة العجينة المورقة ثم كريمة الفانيليا بعدها الطبقة الاخيرة تاع العجينة.
تحضير تغليفة الميل فاي او الفوندون
الفوندون يتباع بصح انا ماشريتوش و درت طريقة اخرى
جبت 300غ سكر رطب -نوع العصفور لانو فيه النشاء- و اظفتلو شوية ماء بالمغرف الصغيرة و نحرك و نشوف ختى يتلم السكر ماشي حتى يذوب نهائيا في الماء و نحطو شوية لافاني باش يجي عندو نكهة و ممكن شوية كاكاو مذوب في الماء للون بني خفيف.mf5.jpg.
للخطوط نذوب الشكلاطة على حمام مائي و نظيفولها شوية حليب باش ما تنشفش قبل ما نعملو الخطوط على الفوندون.
نديرو خطوط الشكلاطة بشكل متوازيmf6.jpg
نفوت على الخطوط بالموس من الجهة الحافية عكسيا حتى نتحصلوا على هاذ الشكلmille-feuille-moka2.jpg.
نتمنى تجربوها لانو ذوقها يشهي صح








©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©