سلام عليكم
ليوم ان شاء الله جبت ليكم باتيسري من المطبخ جزائري الجزائري ساااهل و مايديش بزاف مقادير و الدوق نتاعو كي نتاع برا
المقادير
نحتاجو ل-3 بيض
-120غ سكر
-120فرينة
-ملعقة صغيرة خميرة حلوى
-فانيليا
نضربوا البيض و السكر كي لعادة لتحضير الجينواز و نزيدوا عليها الفرينةو الخميرة
و نفرغوهم في صينية الفرن تكون مستطيلة كيما نحضروا لقاطو رولي و نخلوها حتى تنضج
نزيدوا نخدموا اخرى بنفس الطريقة و كل وحدة نقسموها في النص و في الاخير نتحصلوا على اربع مستطيلات
باش نديروا طبقات الباتيسري و نسقوا كل وحدة بالسيرو و نديروا طبقة من اي كريمة تحبوها انا درت كرام شانتيي
و نزينوا على حسب الرغبة و نقطعوها مربعات او كيما تحبوا
للاسف صور التحضير راحتلي من البورطابل
و لكن هاهو واجد ان شاء الله يعجبكم

هاهي الطبقات

دعواتكم معي





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©