بسم الله الرحمن الرحيم





كب كيك الشوكولا بأكواب الشوكولا




هذه الوصفة (جزائرية) للأخوات لي طلبو كب كيك لي شافوه في موضوعي صور حلويات جزائريةي وأنا درت كمية قليلة باش نوري للاخوات الطريقة مع الصور


أولا نبدا بمقادير الكعكة الاسفنجية اي الجينواز شعلي الفرن 180° وابداي


المقادير:

2 بيضات + 4 ملاعق كبيرة سكر+ 4 ملاعق كبيرة زيت + 4 ملاعق كبيرة فرينة +قرصة ملح + نصف باكي خميرة القاطو+ قشور ليمون+ شوكولا فينيتي أي نوتيلا

اخفقيهم في الخلاط عادي كيما المادلان



وحضري قوالب السيليكون حطيها في مول المادلان وحطي ملعقة كبيرة من الخليط في قوالب السيليكون وزيدي حطي شوي شوكولا وبعدها ملعقة كبيرة ودخليهم الفرن حتان تشوفيهم حمارو ومتحليش عليهم حتان يطيبو وخرجيهم حطيهم على جنب




وهاذو بعد ما طابو



ذوبي الشوكولا في حمام مائي
وانزعي لكيسات برفق من اكيكات الصغيرة
وباستعمال ملعقة صغيرة حطي كمية من الشوكولا و وزعيها بالبانسو في الوسط وعلى الجوانب وحطي عليها الكيكات وحطيهم في الكولجيلاتوغ يحمدوا وكي تجمد خرجيها ونحي القالب يجيك ساهل كي تنحيه وتجي الشوكولا حاكمة شكل قالب السيليكون كما في الصورة




بالنسبة للكريمة ديري نصف كاس حليب مع 4 ملاعق كبيرة من كريمة الشانتيي و 2 ملاعق صغيرة كاكاو واخفقي مليح حتى تطلع الشونتيي وزيدي أضيفي م ك شوكولا ذايبة أو نوتيلا
وحطيها في كيس حلواني وزينيها كيما تحبي


هاهو شكلو الاخير





وهذه هي صورة كب كيك لي درتو من قبل وحطيتو في الموضوع









وهذا عملي لليوم



تحياتي وانشاء الله نكون أفدتكم بوصفات جزائريةي








©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©