ابدااااااع



حابه اطرح فكره لمناسبه خاصه وهيه سهله جداً ومايبغيلها شغل وايد ..

كل اللي تبغينه .. جلاد من اللون الفسفوري او اللي يبين في الظلام ,, شموع صغيره وورود ..

اذا كان عندج مناسبه ذكرى الزواج او يوم ميلاد زوجج فتقدرين اتفاجئينه بها الليله الجميله ..

الطريقه : قصي الجلاد على شكل ارجل قد ماتقدرين وحاولي تتقنين القص ..

بعدها .. لصقي الارجل من الباب لغرفة النوم بطريقه حلوه وجذابه ..

اخفضي درجة الضوء .. او سكريه بالمره اذا شفتي انه الجلاد منور المكان

بعدها انثري الورد بطريقه عشوائيه ايضا من الباب لغرفة النوم ..

روحي لغرفة النوم .. (( طبعاً ماوصيج اتعطرين الغرفه واتحطين مفرش يديد وتبدعين في الجو وفيج انتي بعد )) بعدها هاتي الشموع .. ورتبيها بحيث انج اتكوين تاريخ هذه المناسبه على الارض بالشموع الصغيره عشان اول مايدخل يشوف التاريخ ويذكر ان كان ناسي !

طبعاً اذا حابه تهدينه هديه بها المناسبه .. خذي الهديه ولفيها بطريقه حلوه وجميله تبهر الناظر .. وخليها على السرير بعد ترتيبه .. ((العصير والسويت لاتنسينه في هذه اللحظات ))

وانتي كوني في انتظاره بابهى حله وزينه .. عشان تقضون ليله رومانسيه عمره مابينساها.. . !!!

اتمنى اكون قدمت شيء مفيد وهادف .. واتمنالكم حياه سعيده.. بالتوفيق لكم


موضوع حصري لمنتديات شباب باتنة