السلام عليكم
احبائي و القريبات من قلبي اليوم حبيت ندير حاجة ساااااااااااااااهلة للقهوة نتاع العشية فكرت و فكرت و فكرت و لقيت المبسس و لا كيما يقولولو البعض المتقبة ........حوست على لاروسات في الانترنيت مي كل وحدة و المقادير امالا قلت نتكل على ربي و نديها من راسي و جاتني تهبل ........طرية معيلة و بنييينة

نبداو على بركة الله
3 كيلات سميد من التعليم المتوسط
شووووية ملح
كيلة نصفها زبدة و الاخر زيت
2مغارف سكر
نخلطو السميد مع الملح و نزيدولو الزبدة الدايبة مع الزيت و نبسسو مليح و نبداو نزيدو الماء الساخن بالتدريج علاجال ماتوليش خالوووطة



لمي العجينة و نبسطوها و نشكلوها كيما نحبو انا درتها على شكل دوائر


ااااخر مرحلة نطيبوهم في الطاجين


و مبعد نعسلوهم و تاكلوووهم بالصحة و الهناااء






جربوووهم مش راح تندمو والله رايعيييين




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©