السلام عليكم

كيف حالكم عضوات المنتدى الطيبات

هدا المعجون حطيتوا في موضوع حلويات جزائرية العيد و كثير من الاخوات طلبوا الوصفة (جزائرية) و اليوم كتب ربي باش نحطوا

معجون المكسرات



المقادير

علبة اناناس شرائح مقدار علبة الاناناس فارغة سكر حرش 100 غ من انواع مختلفة من المكسرات جوز لوز كاجوا بيستاش و غيرو انت و واش يتوفر عندك 50 غ زبيب او عنب مجفف و 200 غ مشمش مجفف او ما يسمى المشيمشة مقطعة بشكل طولي



طريقة التحضير

انزعي شرائح الاناناس من الماء المعلب فيه و قصيها بسكين مستطيلات صغيرة الشريحة على ستة و حطيها على جنب في كاسرونة ضعي الماء الدي تبقى في علبة الاناناس مضافا اليه ماء عادي حتى تمتلا العلبة و اضيفي له مقدار علبة الاناناس ايضا سكر و حركيه مليح و حطيه على نار هادئة حتى الغليان مدة 10 دقائق تقريبا ثم اضيفي له الزبيب ثم ارمي فيه قطع الاناناس تغلي لمدة 10الى 15 دقيقة حتى تشوفيها بدات تتكمش اضيفي له قطع المشيمشة تغلي ايضا لمدة 7الى 10 دقائق و ماتخليهاش تطيب بزاف لانها تدوب بسرعة و اخير اضيفي المكسرات تقريبا حفنة من كل نوع و خليها غير قدار ما تهز الغلية و طفي عليها



هدا المعجون السيرو نتاعوا مايكونش ثقيل لازم يجي خفيف شوية يعني حبات المكسرات تعوم فيه

هدا المقادير تعملك ثلاثة سكريات معجون

طعموا رائع و شكلوا ايضا جربوه و ردولي خبر و ماتنساونيش من دعوة خير

انا نتاعي عملتوا جوز و لوز و بيستاش واش تبقالي من حلويات جزائرية العيد و على قدر ما تكثري انواع المكسرات يجي مليح

سلام و اللي عندها اي استفسار راني هنا




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©