نتمنى يلقاكم موضوعي هدا وانتن في كامل الصحة والعافية دائما في اطار وصفات جزائرية حلويات جزائرية خطوبة اختي وبعد ما حطيت ليكم وصفة (جزائرية) la pate sur pate
تلقوها في هاد الرابط
http://www.dzbatna.info/vb/showthread.php?t=1293288
طلبو مني الاخوات حلوى القبعة


الصراحة تقال حبيباتي حلوى القبعة ماكانتش في لائحة الحلويات جزائرية لكن كي درت التشاراك كملت العجينة وبقى ليا الحشو درتهم هاهو التشاراك


رابط التشاراك كلاصي بالصور والشرح مفصل هاهو
http://www.dzbatna.info/vb/showthread.php?t=1064387
ممكن يفيدكم اخواتي واحنا داخلين على موسم افراح ونجاحات ربي يفرحكم اجمعين
نرجعو لحلوتنا القبعة نحتاجو للعجينة
300 غ فرينة
100 غ زبدة
ماء زهر ملعقتين صغار
ملح رشة صغيرة
ماء لجمع العجينة
مقادير الحشو/ 3كيلات كاوكاو مطحون رقيق -1 كيلة
سكر - قرصة فاني - ماء زهر
باقي الشرح مفصل بالصور
انا هدا الحشو الي بقالي من التشاراك

كورته تحصلت على 16 كويرة صغيرة

قطعت العجينة دوائر وفي كل وحدة حطيت كرة صغيرة

حطيت فوقها دائرة عجينة اخرى

شكلتها بيدي ومن بعد نقشتها بالنقاش والى الفرن غير دخليهم وخرجيهم دقائق فقط ما لازمش يحمارو

من بعد عسليهم وحطيهم يقطرو

زينيهم بشوكولا بيضاء ارسمي خط دائري للقبعة وحطي ورود عجينة اللوز انا صنعت زوج بيضة كبيرة ووردية صغيرة

ديري اوراق خضراء

ومن بعد دردري الناكري الابيض لاعطاء القبعة لون يلمع

وهاهوما جاهزين

lممكن تزنيهم بهاد الشكل ايضا

نتمنى اني افدتكن اخواتي
في الختام نقولكم انها حلوة اقتصادية وتقطع بزاف تبارك الله





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©