السلام عليكم حبيباتي نتمنى تكونو كامل بخير اليوم جبتلكم حلوى رائعة و خاصة الي يحبو نواة كوكو بدون اطالة نخليكم مع المقادير و الطريقة بالصور و نتمنى تعجبكم الحلوى و تجربوها
المقادير
رطل نواة كوكو
رطل زبدة
رطل سكر قلاصي
فانيلا
125غ فرينة
12 بيضة الابيض للعجينة و الصفار للقلاصاج
في الاول نضرب الزبدة وحدها بالباتور جيدا مع الفانيلا و هادي خطوة مهمة و نزيدولها السكر قلاصي و نستمر في الخلط و نزيدو البيض البياض فقط و نزيدو الفرينة و دائما مع الخلط جيدااا و في الاخير نضيف النواة كوكو حتى نتحصل على خليط نضعه في الصينية كيما الصورة و ندخلها للفرن حتى تنشف على نار من التعليم المتوسطة و ماتحمروهاش بزاف و نخلوها تبرد و الان نروحو للقلاصاج ناخدو هادوك الاصفر نتاع البيض مع الفانيلا و نخلط جيدااا بالباتور و نبقو نزيدو في السكر قلاصي حتى نتحصلو على خليط ماهو تقيل ماهو خفيف عينكم هي ميزانكم كيما القلاصاج و مين يبرد القاطو نتاعنا نديرو فوقه القلاصاج و نخلوه يبات ينشف حتى لغدوة نقطعوه كيما نحبو ويقدم و نتمى تجربوه صراحة رائع






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©