السلام عليكم
المقادير
02 بايط نتاع نيستلي
وبيمو مرحي (حسب الحاجة )
وكاوكاو
وشيكولاطة
التحضير
طيبي نيستلي في كوكوط ساعة احسبي منكي تبدا الكوكوط تصفر وما تحطيش لباط نتاع نيستلي حتى يغلي الماء لي في الكوكوط وحطي لباط نتاع نيستلي مغلوق في الكوكوط وقفلي عله ولكان ماعندكش كوكوط طيبيه ساعتين في قدر (ببوطة ولا طاوة ماعلاباليش كيفاه تقولو نتوما )
ومن بعد كي يبرد خلطيلو بيمو حتى يبح على شكل عجينة طرية ماش بابسة ok وكعبريه كويرات ما صغيرة ما كبيرة ومرمديه في الكاوكاو المرحي وغطسيه في الشكولاطة وزيدي مرمديه مرة اخرى
اتمنى ان يعجبكم
نسيت نقولكم هذه المقادير راهي ديرلكم 60 حبة نتاع القاطو




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©