مساء الخير عليكم انا ليوم حبيت نقدملكم الشي لي يخافو منو اغلبية النساء ويحبو يشروها جاهزة ونا كنت وحدة منهم وثاني الامر لي خلاني ندخل في منافسة مع وحدل الاخت حطت وصفة (جزائرية) على اساس انها مارشملو انا قتلها يا اختي الا راكي مجربتها ولالا على خاطرش هذي الوصفة (جزائرية) راهي مش هي لاني عييت بزاف ونا نجرب ونحوس زعفت مني امالا انا درت القلب وقلت يا طفلة لازم تحبسيلهم ريصانهم باختراعك هههههههه
ما نطولش عليكم هذي المرشملو انتاع الصح يا خواتاتي
انا عبرت بهذا الطبيسي انتاع ,جيبي 3مغارف كبار جيلاتين بودرة وحطيهم في البيترا وحطي فوقهم قيس كاس ماء والصور توضحوخليه يشرب وروحي وجدي السيرو انتاعك وعبري بنفس الطبسيوحطيه في كسرونة وحطي الماء قيس ما يتشمخ بركومن بعد عبري سكر جلوكوز بنفس الطبسي وحطيه فوق السكر والماء وخليهم يعقدو يعني حتان تحسيه ثقل ومرة على مرة نحي السكر لي في الجنابوهذا شكل الجيلاتين بعد لي يشرب الماء كاملوهذا شكل السيرو بعد لي يعقدومن بعد جيبي السيرو ولوحيه فوق الجيلاتين والبيترا دور على شكل خيطوزيدي من سرعة البيترا وخليه حتان يبرد مليح ويتضاعف حجمها وتولي كيف الميرانغهنا ضيفي مغرف كبيرة ولازوج انتاع فنيلا سايلة وزيدي حركي حتان يدخل مليح ومن بع جيبي بلا مربع وحطي فيه ورق الزبدة وذري النشاء مع السكر قلاصي من الفوق وحطي الخليط انتاعكومن بعد الى الثلاجة اكثر من3ساعات ومن بعد قطعيه على ذوقك وتحبي تلويه حلزوني وتقدميه بلهنا وتحبي تخدمي بيه عجينة السكر تعاودي تذوبيه في الميكراوند وتضيفيلو السكر قلاصي بتدريج الا ان تصبح عجينة ,اتمنى منكم دعوة خير في الغيب وشكرا ولا تنسوانا في انتضار اراءكم,
ارجو التثبيت لأنو موضوع راح يستفادو منو كثيرات يا أم كوثر وشكرا




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©